• اسلامی تحریک پاکستان صوبہ سندھ کا اجلاس کراچی میں منعقد ہوا
  • عزاداری مذہبی و شہری آزادیوں کا مسئلہ، قدغن قبول نہیں، علامہ شبیر میثمی
  • قائد ملت جعفریہ علامہ ساجد نقو ی کی ا پیل پر بھارت میں توہین آمیز ریمارکس پر ملک گیر احتجاج
  • قائد ملت جعفریہ پاکستان کی مختلف شخصیات سے ان کے لواحقین کے انتقال پر تعزیت
  • اسلامی تحریک پاکستان کا گلگت بلتستان حکومت میں شامل ہونے کا فیصلہ
  • علماء شیعہ پاکستان کے وفدکی وفاقی وزیر تعلیم سے ملاقات نصاب تعلیم پر گفتگو مسائل حل کئے جائیں
  • بلدیاتی انتخابات سندھ: اسلامی تحریک پاکستان کے امیدوار بلامقابلہ کامیاب
  • یاسین ملک کو دی جانے والی سزا ظلم پر مبنی ہے علامہ شبیر حسن میثمی شیعہ علماء کونسل پاکستان
  • ملی یکجہتی کونسل اجلاس علامہ شبیر میثمی نے اہم نکات کی جانب متوجہ کیا
  • کراچی میں دہشتگردی کی مذمت کرتے ہیں شیعہ علماء کونسل پاکستان صوبہ سندھ

تازه خبریں

الاخبار/ صنعاء نے صہیونی ریاست کو اپنے ہدف بینک میں شامل کر لیا

الاخبار/ صنعاء نے صہیونی ریاست کو اپنے ہدف بینک میں شامل کر لیا

الاخبار/ صنعاء نے صہیونی ریاست کو اپنے ہدف بینک میں شامل کر لیا

فارس نیوز ایجنسی کے مطابق، عرب میڈیا یمن میں متحدہ عرب امارات کے حالیہ اقدامات کے بارے میں ہر آئے دن زیادہ سے زیادہ حقائق شائع کر رہا ہے، اور یہ وہ موضوع ہے جو صنعا کو ابوظہبی اور دبئی کو مستحکم جواب دینے پر مجبور کر رہا ہے۔
الاخبار نے اس بارے میں رپورٹ دی ہے کہ مبینہ طور پر متحدہ عرب امارات کی حمایت یافتہ ملیشیا نہ صرف شبوہ میں خود کو قائم رکھنا چاہتی ہیں بلکہ شبوہ سے مآرب کی طرف بھی بڑھنا چاہتی ہے تاکہ اس صوبے کے محاصرے کو توڑے۔ نیز آج یہ بات بھی واضح ہوئی ہے کہ اماراتی فوجی اس جنگ میں اکیلے نہیں ہیں، بلکہ امریکی بھی ان کے ساتھ ہیں، اور اسرائیل کی شرکت کی بھی باتیں سامنے آ رہی ہیں۔ یہ ایک ایسا مسئلہ ہے جس کی انصار اللہ ابھی تک تحقیق کر رہی ہے۔
رپورٹ میں مزید کہا گیا ہے کہ یمن کی موجودہ صورتحال ایسی ہے کہ سعودی اتحاد کے تمام آپشنز ختم ہو چکے ہیں اور سعودی عرب اور متحدہ عرب امارات کے اتحاد نے صنعا پر حملوں کے ذریعے عام یمنی شہریوں کا قتل عام شروع کر دیا ہے۔ دوسری جانب یمن میں متحدہ عرب امارات کی طاقت کا سرچشمہ “العماقہ” نامی بریگیڈ شبوا پر بیک وقت حملے میں ملک کی کمزوری بن گئی ہے، اندازوں کے مطابق یہ حملہ اسرائیلی ڈرونز کے ذریعے انجام پایا ہے۔ انصار اللہ اس وقت یہ تعین کرنے کی کوشش کر رہی ہے کہ آیا اسرائیلی ٹیموں نے ڈرون کو براہ راست چلایا یا اسرائیل کی تربیت یافتہ اماراتی ٹیموں نے ایسا کیا۔
الاخبار نے مزید کہا کہ اگر پہلا مفروضہ ثابت ہو گیا تو انصار اللہ صیہونی حکومت کو براہ راست نشانہ بنانے کا فیصلہ کرے گی جس سے تل ابیب میں خوف و ہراس پھیل گیا ہے کیونکہ اسرائیلی جانتے ہیں کہ جو ابوظہبی کو نشانہ بنا سکتا ہے وہ اسرائیلی شہر ایلات کو بھی نشانہ بنانے کی صلاحیت رکھتا ہے۔ لیکن دونوں صورتوں میں یمنی جنگ میں اسرائیلی حکومت کی مداخلت بالخصوص کمانڈ آپریشنز اور رابطوں پر کنٹرول وغیرہ خود متحدہ عرب امارات کے لیے خطرہ ہے جس کی سلامتی اور خوشحالی کا انحصار اسرائیلی منصوبوں پر ہے۔
اس سلسلے میں، جنوبی یمن میں متحدہ عرب امارات کی کشیدہ کارروائیوں کے جواب میں ابوظہبی کے خلاف صنعا کی فوج کی جانب سے گزشتہ ہفتے کی کارروائی کے بعد، عبرانی زبان کے ذرائع نے اطلاع دی ہے کہ اس کارروائی سے اسرائیلی حکومت کے حلقوں میں تشویش کی لہر دوڑ گئی ہے۔
الاخبار نے مزید بتایا کہ سعودی عرب یمن میں بند گلی میں پہنچ چکا ہے اور خود کچھ کرنے سے قاصر ہے۔ لہذا اسے ایک ایسے عالمی اتحادی کی ضرورت ہے جس کی سربراہی امریکیوں کے ہاتھ میں ہو اور صہیونی ریاست اس میں فعال کردار ادا کرے۔
خیال رہے کہ یمنی مسلح افواج کے ترجمان “یحیی سریع” نے سعودی عرب اور متحدہ عرب امارات کی گہرائیوں میں آج (پیر کو) ہونے والے آپریشن کی تفصیلات کا اعلان کیا جس کا عنوان “اعصار الیمن 2” (فوطان یمن 2) ہے۔ انہوں نے کہا کہ ابوظہبی میں الظفرہ ایئر بیس اور دیگر اہم اہداف کو بڑی تعداد میں ذوالفقار بیلسٹک میزائلوں سے نشانہ بنایا گیا جبکہ دبئی میں ایک اہم اور حیاتی ہدف کو صماد 3 ڈرون کے ذریعے نشانہ بنا گیا۔