جعفریہ پریس –  اسلامی تحریک پاکستان گلگت بلتستان کے صدر علامہ سید محمد عباس رضوی اور تحریک کے دیگر رہنماوں نے کچورا کا دورہ کیا۔ کچورا کے علماء کرام اور عمائدین نے پرتپاک استقبال کے ذریعے اسلامی تحریک پاکستان کے صوبائی صدر اور وفد میں شامل دیگر علماء کرام کا خیر مقدم کیا۔ علامہ سید محمد عباس رضوی نے کچورا کے عوام سے تفصیل سے خطاب کیا۔ اور قائد محترم کا پیغام سنایا۔ اور قوم و ملت کے اجتماعی و سیاسی امور سے متعلق جامع انداز میں خطاب کیا۔ علامہ سید محمد عباس رضوی کے علاوہ سید سکندر عباس گیلانی ایڈووکیٹ پرنسپل سیکریٹری نے قائد محترم کے ملکی سطح پر تشکیل کردہ پالیسیوں پر اور اتحاد امت کے حوالے سے انکی خدمات پر تفصیل سے روشنی ڈالی۔
تقریب کے بعد اسلامی تحریک پاکستان کے الیکشن آفس کا باقاعدہ افتتاح کیا۔اس موقع پر کچورا کے علمائے کرام ، عمائدین اور کارکنان کی کثیر تعداد نے بھرپور انداز میں شرکت کی۔ پروگرام کے بانی معروف عالم دین علامہ سید محمد علی موسوی نے تمام مہمانان گرامی اور کارکنان
کا شریہ ادا کیا۔

LEAVE A REPLY

Please enter your comment!
Please enter your name here