مسئلہ کشمیر کےحوالے سے چین کے مؤقف میں کوئی تبدیلی نہیں ہوئی: چین
چین کے وزیرخارجہ وانگ ژی نے کہا ہے اقتصادی راہداری منصوبے کا تعلق براہ راست معاشی ترقی سے ہے ۔مسئلہ کشمیر کےحوالے سے چین کے مؤقف میں کوئی تبدیلی نہیں آئی ۔ بیجنگ میں میڈیا بریفنگ میں وزیرخارجہ وانگ ژی نے بتایا کہ سی پیک کے ذریعے چین ہمسایہ ملکوں کی ترقی میں کردار ادا کررہا ہے۔اقتصادی راہداری کا مقصد خطے کی ترقی اور معاشی تعاون ہے۔انہوں نے کہا کہ کہ ون بیلٹ ، ون روڈ منصوبے کے حوالے سے سربراہ کانفرنس مئی میں ہوگی۔14 اور 15 مئی کو سربراہ کانفرنس میں پاکستان ، روس ،سری لنکا ، میانمرسمیت 28 ملکوں کے سربراہان مملکت و حکومت شریک ہونگے۔