ایمنسٹی انٹرنیشنل نے اپنی حالیہ رپورٹ میں اقوام متحدہ کے بیان کی تصدیق کرتے ہوئے کہا کہ میانمار کی فوج نے ایک منظم منصوبہ بندی کے تحت روہنگیا مسلمانوں کا قتل عام کیا تاکہ ان کو ملک بدر کیا جاسکے ۔

ایمنسٹی انٹرنیشنل کا میانمار سے بے دخل کیے جانے والے  سیکڑوں روہنگیا مسلمانوں سے انٹرویو کے بعد تیار کردہ رپورٹ میں کہنا تھا کہ میانمار کی فوج نے کئی گاؤں کو گھیرے میں لے کر سیکڑوں مسلمانوں کو قتل کیا اور بھاگتے ہوئے لوگوں پر گولیاں برسائیں اور پھر مکانوں کو جلادیا جس سے اس میں موجود بچے، بزرگ اور معذور افراد جو بھاگنے سے قاصر تھے جل کر راکھ ہوگئے۔

واضح رہے کہ گزشتہ کئی ماہ سے روہنگیا مسلمانوں کی میانمار سے بے دخلی نے بہت بڑے انسانی بحران کو جنم دیا ہے جس کے تحت 6 لاکھ کے قریب مسلمان بنگلادیش میں پناہ حاصل کرنے پر مجبورہوئے اور ہزاروں اب بھی پناہ کی تلاش میں در بدر کی ٹھوکریں کھارہے ہیں۔

LEAVE A REPLY

Please enter your comment!
Please enter your name here