شہید قائد علامہ سید عارف حسین الحسینی ؒ کی تصاویر کا مجموعہ خصوصی اشاعت
یوم شہادت شہید قائد ملت جعفریہ پاکستان علامہ سیدعارف الحسینی ؒ کی زندگی کے لمحات پر مشتمل تصویر کا مجموعہ
قائد ملت جعفریہ پاکستان حضرت علامہ مفتی جعفر حسین مرحوم کی وفات کے بعد تحریک کے آئین ودستورالعمل کے تحت کثرت رائے سے مجلس عاملہ (ایک روایت کے مطابق سپریم کونسل) اور مرکزی کونسل کے مشترکہ اجلاس بتاریخ ۱۰/فروری ۱۹۸۴ء قصر زینبؑ بھکر میں عالم باعمل اوراجتماعی سوچ کے مالک سفیر نورحضرت علامہ عارف حسین الحسینیؒ مذکورہ کونسلز کی مکمل حمایت اور اعتماد کے بعد قائد مرحوم کے جانشین منتخب ہوئے ۔ (تحریک کے دستور کی ارتقائی تاریخ، سید وزارت حسین نقوی ایڈووکیٹ، نقل از ماہنامہ تحریک،صفحہ۳۱،جنوری ۱۹۹۶؛ سفیرنور،ص۹۱، اشاعت دوم۱۹۹۸) تاریخ جن چیدہ چیدہ کوہ پیکر انسانوں کو فراموش نہیں کر سکتی( اس لئے کہ وہ تاریخ کے دھارے پر نہیں بلکہ تاریخ ان کے دھارے پر سفر کرتی ہے)سفیرنور علامہ سید عارف حسین الحسینیؒ انہی گنتی کے افراد میں سے ایک تھے۔ آپ درحقیقت مکتب اہل بیتؑ و کربلا کے تربیت شدہ، امت اسلامی کے دردمند رہبر،محروم و مستضعف عوام کی نجات کے داعی، اسلام کی حکیمانہ تعلیمات کے عارف، سب مسلمانوں اور سب طبقوں کے حقوق کے ترجمان، استعماری و استکباری قوتوں کے خلاف جدوجہد کرنے والے سپہ سالار اور معاشرتی گتھیوں کو سلجھانے کی بصیرت رکھنے والے اسلامی مفکر تھے۔
37689841_1754960064599279_5233314699809914880_n