ڈھونگ انتخابات تنازعہ کشمیر کے حل کا متبادل نہیں؛ میر واعظ
مقبوضہ کشمیر میں حریت فورم کے چیئرمین میر واعظ عمر فاروق نے کہا ہے کہ بھارت کی طرف سے مقبوضہ علاقے میں کرائے جانے والے ڈھونگ انتخابات تنازعہ کشمیر کے حل کا متبادل نہیں ہیں ۔
کشمیر میڈیا سروس کے مطابق میر واعظ عمر فاروق نے ایک بیان میں کہا کہ مقبوضہ کشمیر میں آئندہ بلدیاتی اور پنچایتی انتخابات کا مقصد جموں وکشمیر پر بھارت کے غیر قانونی قبضے کو مضبوط کرنا ہے۔
جموں وکشمیر لبریشن فرنٹ کےنظر بند چیئرمین محمد یاسین ملک نے سرینگر میں ایک بیان میں کہا کہ نا م نہاد انتخابات کی آڑ میں مقبوضہ علاقے میں فوجی آپریشن شروع کردیا گیا ہے۔
قابض انتظامیہ نے حریت رہنماؤں سید علی گیلانی، محمد یاسین ملک ، غلام احمد گلزار ، حکیم عبدالرشید، مختار احمد وازہ، محمد یاسین عطائی ،سید امتیاز حیدر اور متعدد حریت کارکنوں کو گھروں اور تھانوں میں نظر بند کر دیا ہے۔