شیعہ علماء کونسل پاکستان کے اعلی سطحی رابطوں کے سبب 1160زائرین ملتان قرنطینہ سنٹر سے روانہ 
شیعہ علماء کونسل پاکستان کے اعلی سطحی رابطوں کے سبب 1160زائرین ملتان قرنطینہ سنٹر سے روانہ 

قائد ملت جعفریہ پاکستان علامہ سیدساجد علی نقوی کی مسلسل 2دن تک راہنمائی، نگرانی و ہدایات پر مرکزی سیکرٹری جنرل علامہ عارف حسین واحدی ،مرکزی نائب صدر و مسؤل امور شعبہ زائرین علامہ مظہرعباس علوی ،صوبائی صدر جنوبی پنجاب علامہ موسیٰ رضا جسکانی اور ان کی ٹیم کے اعلیٰ سطحی،ڈویژنل و مقامی انتظامیہ سے رابطوں کے سبب 1160زائرین ملتان قرنطینہ سنٹر سے کل شام اپنے اپنے اضلاع کو روانہ ہوگئے تھے۔ 

یاد رہے کہ انتظامیہ نے روانگی کے وقت اس امر کی یقین دہانی کروائی تھی کہ زائرین کو ان کے گھروں میں پہنچایا جائے گا۔ مگر انتظامیہ نے اپنی یقین دہانیوں کے برعکس زائرین کو ان کے متعلقہ اضلاع میں قرنطینہ سنٹر بنا کر ان میں نظر بند کردیا ہے۔
یہ صریحاً نا انصافی ہے کیونکہ یہ زائرین تفتان اور ملتان سنٹر ز میں ایک ماہ 7 دن گزارچکے ہیں۔جو مطلوبہ مدت سے ڈیڑھ گنا زیادہ ہے۔ ملتان سنٹر میں ان زائرین کی ٹیسٹ رپورٹس بھی نیگیٹو آئی تھیں۔ اس کے باوجود ان کو گھروں کو نہ بھجوانا ظلم و زیادتی ہے۔
لہٰذا
حکومت سے تقاضا کیا جاتا ہے کہ ملتان سے روانہ ہونے والے تمام زائرین کو فی الفور ان کے گھروں میں پہنچایا جائے۔بصورت دیگر حالات کی ذمہ داری حکومت پر عائد ہوگی۔ جاری صورتحال کو لمحہ بہ لمحہ مانیٹر کیا جارہا ہے۔

LEAVE A REPLY

Please enter your comment!
Please enter your name here