شہید ضیاء الدین رضوی کی برسی پر قائد ملت جعفریہ پاکستان کا پیغام

شہید ضیاء الدین رضوی کی برسی پر قائد ملت جعفریہ پاکستان کا پیغام
شہید ضیاالدین رضوی نے جی بی عوام کے سیاسی،سماجی اورتعلیمی حقوق کیلئے بھرپورجدوجہدکی،علامہ ساجد نقوی

نصاب تعلیم کوتمام مکاتب فکرکیلئے قابل قبول بنانے کیلئے انتھک محنت اورکاوشیں کیں۔قائد ملت جعفریہ پاکستان

شہید اتحادبین المسلمین کے بہت بڑے حامی تھے، اُن کے افکارونظریات کواُجاگرکرنے کی ضرورت ہے۔

راولپنڈی/اسلام آباد 13جنوری2021ئ( جعفریہ پریس پاکستان) قائدملت جعفریہ پاکستان علامہ سیدساجدعلی نقوی نے جیدعالم دین اورگلگت بلتستان کی معروف ومتحرک مذہبی وسماجی شخصیت شہیدعلامہ ضیاالدین رضوی کی 16ویں برسی کے موقع پرکہا کہ شہید ہمہ جہت شخصیت کے مالک تھے۔ انہوں نے بہت ہی قلیل عرصے میں ملت جعفریہ گلگت بلتستان کی شیرازہ بندی کی اورنوجوانوں کومتحدومنظم کرنے میں نمایاں کرداراداکیا۔گلگت بلتستان میں نصاب تعلیم کوتمام مکاتب فکرکیلئے قابل قبول بنانے کیلئے انتھک محنت اورکاوشیں کیں۔شہید اتحادبین المسلمین کے بہت بڑے حامی تھے اورعلاقہ میں مذہبی ہم آہنگی کوبرقراررکھنے میں لازوال کرداراداکیا۔انہوں نے کہاکہ شہیدضیاالدین رضوی زمانہ شناس اوروظیفہ شناس عالم دین تھے۔شہید نے گلگت بلتستان کے عوام کے اجتماعی،سیاسی، سماجی اورتعلیمی حقوق کیلئے بھرپور جدوجہدکی۔اُن کے افکار ونظریات نوجوانوں کیلئے مشعل راہ ہیں جنہیں اجاگرکرنے کی اشدضرورت ہے اوراُن کی خدمات کوکبھی فراموش نہیں کیاجاسکتا ۔