گزشتہ روز پاڑا چنار کی سبزی منڈی میں ہونے والے بم دھماکے کے دوسرے روز بھی علاقے میں فضا سوگوار ہے۔ تمام کاروباری مراکز اور دکانیں بند ہیں اور سڑکوں پر گاڑیوں کی آمدورفت نہ ہونے کے برابر ہے۔ دھماکے میں جاں بحق ہونے والے افراد کی اپنے آبائی علاقوں میں تدفین کردی گئی ہے۔ شہید افراد کی ایصال ثواب کے لئے اجتماعی قرآن خوانی کی گئی۔ دھماکے میں پچیس شہید اور سترسے زائدزخمی ہوئے تھے۔ زیادہ تر زخمیوں کو پارا چنار میں ایجنسی ہیڈکوارٹر ہسپتال میں طبی امداد دی جارہی ہے جبکہ بعض شدید زخمیوں کو پشاور منتقل کیا گیا ہے۔ گورنرخیبر پختونخوا اقبال ظفر جھگڑا نے سی ایم ایچ پشاورمیں دھما کے میں زخمی ہونے والوں کی عیادت کی۔انہوں نے زخمیوں کو تمام طبی سہولتیں فراہم کرنے کی ہدایت کی ۔گورنر نے وفاقی حکومت کی جانب سے جاں بحق افراد کے لواحقین لئے تین تین لاکھ روپے، شدید زخمیوں کے لئے ڈیڑھ ڈیڑھ لاکھ جبکہ معمولی زخمیوں کے لئے ایک ایک لاکھ روپے کا اعلان بھی کیا۔

LEAVE A REPLY

Please enter your comment!
Please enter your name here