آئین ہی بنیاد ہے ، وہی بالادست اور وہی مداوا ہے ، قائد ملت جعفریہ پاکستان علامہ ساجدنقوی

آئین ہی بنیاد ہے ، وہی بالادست اور وہی مداوا ہے ، قائد ملت جعفریہ پاکستان علامہ ساجدنقوی

نفرتوں کا لاوا اُبل پڑا ، اجتماعی زندگی کو شدید خطرات لاحق، قائد ملت جعفریہ
تمام نظریں عدالت عظمیٰ پر،سپریم کورٹ کے فیصلے کے اثرات پاکستان کے مستقبل پر مرتب ہونگے
 راولپنڈی / اسلام آباد06 اپریل2022 ء( جعفریہ پریس پاکستان   ) قائد ملت جعفریہ پاکستان علامہ سید ساجد علی نقوی کہتے ہیں آج ملک کو ایک آئینی بحران نے جکڑا ہوا ہے جسے حل نہ کیاگیا تو یہ شدید سے شدید ترین اوربد سے بد ترین ہوتا ہوجائےگا، ایسی صورت میں جبکہ ہر کوئی اپنے اندا ز میں آئین کا سہار لے رہا ہے پورے عوام باالخصوص سنجیدہ فکر طبقات کی نظریں سپریم کورٹ پر ہیں۔ عدالت عظمیٰ کا اس حوالے سے فیصلہ تاریخی اہمیت کا حامل ہوگا ، اس فیصلے کے حال کے ساتھ مستقبل پر بھی اثرات مرتب ہونگے اور یہ فیصلہ آئین کی بالادستی کے لئے ایک مثال و اصول بن جائےگا۔ قائد ملت جعفریہ پاکستان نے آخر میں کہاکہ مستقبل کے حکمرانوں کو ملک کے تمام مسائل کا حل آئین کی بالادستی، قانون کی حکمرانی اور انصاف کی یکساں فراہمی کی روشنی میں تلاش کرنا ہوگا ۔