• حساس نوعیت کے فیصلے پر سپریم کورٹ مزیدوضاحت جاری کرے ترجمان قائد ملت جعفریہ پاکستان
  • علامہ شبیر میثمی کی زیر صدارت یوم القد س کے انعقاد بارے مشاورتی اجلاس منعقد
  • برسی شہدائے سیہون شریف کا چھٹا اجتماع ہزاروں افراد شریک
  • اعلامیہ اسلامی تحریک پاکستان برائے عام انتخابات 2024
  • ھیئت آئمہ مساجد و علمائے امامیہ پاکستان کی جانب سے مجلس ترحیم
  • اسلامی تحریک پاکستان کے سیاسی سیل کا اجلاس اسلام آباد میں منعقد ہوا
  • مولانا امداد گھلو شیعہ علماء کونسل پاکستان جنوبی پنجاب کے صدر منتخب
  • اسلامی تحریک پاکستان کے زیر اہتمام فلسطین و کشمیر کانفرنس
  • ملک کا امن شرپسندوں اور دہشتگردوں کے خاتمے میں مضمر ہے، علامہ شبیرمیثمی
  • اسلامی تحریک پاکستان کا ویڈیو لنک اجلاس اہم فیصلہ جات

تازه خبریں

آج اسلامی دنیا کو باہمی اختلافات دور کرنے کے لئے ماضی سے کہیں زیادہ ثقافتی کوششوں کو تیز کرنے کی ضرورت ہے، ڈاکٹر حسن روحانی

 آج اسلامی دنیا کو باہمی اختلافات دور کرنے کے لئے ماضی سے کہیں زیادہ ثقافتی کوششوں کو تیز کرنے کی ضرورت ہے۔ ان خیالات کا اظہار اسلامی جمہوری ایران کے صدر ڈاکٹر حسن روحانی  نے جمعہ کو تہران میں شروع ہونے والی ستائیسویں بین الاقوامی وحدت اسلامی کانفرنس کی افتتاحی تقریب سے خطاب کرتے ہوئے کیا۔ ایرانی صدر نے مزید کہا کہ مسلمانوں کے دشمن دو مذموم مقاصد حاصل کرنے کی کوششوں میں لگے رہتے ہیں۔ ان میں سے ایک مقصد اسلام فوبیا  ہے اور دوسرا ملت اسلامیہ میں تفرقہ ڈالنا اوراس ملت کے درمیان موجود اختلافات کو گہرا کرنا ہے۔ ڈاکٹر حسن روحانی نے کہا کہ جو گروہ اسلامی تہذیب، اس کی حقیقت اور اسلام کے اخلاقی پہلوؤں سے آگاہ نہیں ہیں، وہ اسلام اور جہاد کے نام پر اسلام کی غلط تصویر دنیا والوں کے سامنے پیش کرتے اور مسلمانوں کے درمیان فاصلے بڑھاتے ہیں۔ ایرانی صدر نے کہا کہ اسلام کے دشمن چاہتے تھے کہ خطے میں ایک نئی جنگ شروع کروا دیں اور اس مقصد کے لئے انہوں نے رائے عامہ اور راستہ بھی ہموار کر لیا تھا۔ لیکن اسلامی جمہوری ایران نے شام اور روس سمیت خطے کے بعض دیگر ممالک اور خطے سے باہر کی بعض طاقتوں کے تعاون کے ساتھ یہ جنگ نہیں ہونے دی۔