آیۃ اللہ حافظ ریاض حسین نجفی سے مرکزی صدر جے ایس او پاکستان کی خصوصی ملاقات

جعفریہ پریس  جے ایس او پاکستان کے مرکزی صدر برادر وفا عباس نے اسلام آباد میں آیۃ اللہ حافظ ریاض حسین نجفی سے ملاقات کی۔ ملاقات میں آیۃ اللہ حافظ ریاض حسین نجفی صاحب نے مرکزی صدر کے لیے ایک نیک تمناؤں کا اظہار کیا اور ان کو ہر قسم کے تعاون کی یقینی دہانی کروائی۔
آیۃ اللہ حافظ ریاض حسین نجفی نے برادر وفا عباس کو مرکزی صدر بننے پر مبارک باد دی اور ان کے لیے دعا فرمائی کہ خدا آپ کو اتنے اہم منصب پر کما حقہ پورا اترنے پر پورا اترنے کی توفیق عطا فرمائے۔ انہوں نے مزید فرمایا کہ یونیورسٹیوں کے طلباء پر ہونے والا خرچہ ایسے ہی کہ کہ آپ ایک فیکٹری لگا رہے ہیں ۔ اپنے دور میں کوشش کریں کہ طلاب کو متحد رکھیں اور ان کی تعلیمی مشکلات کو حل کرنے کی کوشش کریں۔
انہوں نے مزید فرمایا کہ آیۃ اللہ خمینی رہ جیسی شخصیت بھی اس نوجوان کے ہاتھ چومتے تھے کہ جو کام کرتا تھا۔ تنظیموں میں ورکروں کی بہت زیادہ اہمیت ہے۔یہی ایک عام ممبر ہی ہے کہ جو تنظیموں کو کامیاب بناتے ہیں۔ 
آیۃ اللہ حافظ ریاض حسین نجفی نے مزید فرمایا کہ یہ بات ہمیشہ یاد رکھیں کہ جو بھی کام کریں وہ لقاء اللہ کے لیے ہونا چاہیے۔ ذاتی تشہیر اور ذاتی نمودونمائش سے پرہیز کریں۔کام وہ ہی فائدہ مند ہوتا ہے جو خوشنودی خدا کی خاطر ہو۔ہم آپ کی کامیابی کے لیے دعا گو ہیں اور قومی معاملات میں ہر قسمی تعاون کے لیے تیار ہیں۔اور ہر ممکن تعاون کی یقین دہانی کرواتے ہیں۔