اسلامی تحریک پاکستان کے وفد کا گلگت بلتستان کا دورہ

سیکرٹری جنرل اسلامی تحریک پاکستان علامہ شبیر حسن میثمی حفظہ اللہ نے نگر ویلی گلگت، بلتستان میں اسلامی تحریک ساس ویلی نگر حلقہ پانچ کی جانب سے منعقدہ جلسہ عام سے اہم خطاب کرتے ہوئے فرمایا کہ میں شکریہ ادا کرتا ہوں کہ آپنے اتنی محبت دی، یہ محبت ہے نظام کے ساتھ پاکستان میں موجود تشیع کے قومی پلیٹ فارم کے ساتھ ، گلگت بلتستان کی موجودہ صورتحال آپکے سامنے ہے ہمارا مطالبہ پہلے سے واضح اور روشن ہے کہ گلگت، بلتستان کو آئینی حق دیا جائے، اس خوبصورت وادی کو صوبائی درجہ یہاں کی عوام کا آئینی حق ہے یہ جدوجہد قائد ملت جعفریہ پاکستان آیت اللہ سید ساجد علی نقوی کی سرپرستی میں جاری ہے، یہ سرزمین امیرالمومنین علــــــــی ابن ابی طالب علیہ السلام کے چاہنے والوں کی پر امن سرزمین ہے اسلامی تحریک پاکستان کی جدوجہد اور آپکی سسٹم سے وابستگی اس بات کی دلیل ہے کہ پاکستان میں تشیع قائد ملت جعفریہ پاکستان کی قیادت میں سربلند و سرفراز ہے۔ جلسہ عام سے دیگر علماء کرام نے بھی اہم خطابات فرمائے، سیکرٹری جنرل کے ہمراہ اعلی سطحی وفد بھی موجود تھا۔