جعفریہ پریس – گوجرہ ضلع ٹوبہ ٹیک سنگھ کی انتظامیہ نے ایک مسجد و امام بارگاہ میں علی ولی اللہ کی گواہی پر مبنی اذان پرغیر آئینی طور پر پابندی عائد کردی جس سے مومنین کرام میں تشویش و اشتعال پیدا ہوا جس شیعہ علماء کونسل کے ضلعی صدرعلامہ اعجاز مہدی اپنی پوری کابینہ کے ہمراہ گوجرہ پہنچ گئے اور مومنین کے اجتماع سے خطاب کرتے ہوئے کہا کہ اسلامی ملک میں اذان پر پابندی حیران کن ہے ہم نے ہمیشہ قانون کے نفاذ اور آئین کی بالا دستی کی بات کی ہے لیکن یہ پابندی آئین اور قانون کے خلاف ہے آئین ہیں مذہبی آزادی اورعبادت کی اجازت دیتا ہے ہم اس ظالمانہ غیرآئینی پابندی کو یکسر مسترد کرتے ہیں – اس موقع پرعلامہ اعجاز مہدی نے خود کھڑے ہوکراذان دی اور نماز پڑھائی-
جعفریہ پریس کی رپورٹ کے مطابق اس جرات مندانہ اقدام پرمومنین میں خوشی کی لہردوڑ گئی اور پوری فضا لبیک یا حسین کے نعروں سے گونج اٹھی جبکہ ہر طرف قائد ساجد کے فرمان پہ جان بھی قربان ہے کہ فلک شگاف نعرے سنائی دے ر ہے تھے-