امت مسلمہ کو نبی آکرم کے محور پر جمع ہوکر دشمنان اسلام کی سازشوں کو ناکام بنانا چاہیے۔اظہار بخار

جعفریہ پریس -جعفریہ یوتھ کے مرکزی ناظم اعلیٰ برادر اظہار بخاری نے حضرت محمد مصطفٰی ﷺ کے ولادت بسعادت کے موقع پر تمام عالم اسلام کو مبارک باد پیش کی اور اعلان کیا کہ جعفریہ یوتھ قائد ملت جعفریہ علامہ سید ساجد علی نقوی کی اپیل پر ۱۲ تا ۱۷ ربیع الاول ہفتہ وحدت کے طور پر منائے گی ۔انہوں نے کہا جسطرح علی ؑ نے اپنے آقا و مولامحمد مصطفٰی ﷺکہ شریعت ،مشن ،جسم اطہراور نظریہ کے حفاظت کے لیے محمد ﷺ کہ ہر دشمن کے سامنے سینہ سپر رہے ویسے ہی اے!جعفری جوانوں تم آج بھی محمد ﷺکے دین اور اسلام محمدی اور ناموس محمدؐ پر جان نچھاور کرنے اور دشمن کا مقابلہ کرنے کے لیے اتحاد و وحدت کا عملی مظاہرہ کرو ۔ انہوں نے مزید کہا کہ حضرت محمد مصطفی ﷺ کی ذندگی تمام انسانوں کے لیے نمونہ عمل ہے آپ ﷺ کو دونوں جہانوں کے لیے رحمت العالمین بنا کر بھیجا گیا۔حضرت محمد مصطفی ﷺ کی ذات دنیا کے تما م مسلمانوں کے لیے مشعل راہ ہے امت مسلمہ کو چاہیے کہ وہ اپنے تمام اختلافات مٹا کر نبی آکرم ﷺ کے محور پر جمع ہوں۔جشن ولادت کی منا سبت سے تمام مکاتب فکر میں مذہبی ہم آہنگی کے لیے اور تمام فرقوں کو نبی کریم کے محور پر جمع کرنے کے لیے جعفریہ یوتھ ملک بھر میں محفل میلاد ، سیمینار اور نعت خوانی کے مقابلوں کا انعقاد ضلعی اور یونٹ سطح پر کرے گی جس میں تمام مکاتب فکر کے علماء، نعت خواں و ثناء خواں نذرانہ عقیدت پیش کریں گے۔ اس کے علاوہ عید میلاد النبی ﷺ کے جلوسوں کے راستہ میں استقبالیہ کیمپ اور شربت کی سبیلوں کا اہتمام کیا جائے گا۔ انہوں نے تمام مذاہب کے علماء سے اپیل کی کہ وہ اپنے تمام اختلافات بھلا کر رسول اکرم ﷺسے اپنی والہانہ محبت کا ثبوت پیش کریں نبی کریم کی ذندگی تمام مسلمانوں کو اتحاد ووحدت بھائی چارے کا درس دیتی ہے آپ ﷺ کے یوم ولادت کے موقع پر تمام مسلمانوں کوچاہیے کہ تمام اختلافات بھلا کر اتحاد وو حدت کی فضاء پیدا کر کہ جشن کا اہتمام کریں۔