تازه خبریں

اگر جرم کے بعد سزا کے عمل کو جاری نہ رکھا جائے تو امن قائم ھونے کی توقع عبث ھے ،علامہ عارف واحدی

جعفریہ پریس- پاکستان کی مشہور رفاہ انٹرنیشنل یونیورسٹی  میں کے اسٹوڈنٹس نے اسی یونیورسٹی میں ایک علمی پروگرام رکھا جس کا موضوع Interfaith harmony,,  تھا جس میں لیکچر کے لیے انھوں نے شیعہ علما کونسل کے مرکزی سیکریٹری جنرل علامہ عارف حسین واحدی کو بھی دعوت دی تھی جس میں مختلف پروفیسرز،دانشوران اور مختلف مذاھب کے نمائندگان بھی شریک تھے۔علامہ عارف حسین واحدی نے لیکچر دیتے ھوئے کہا کہ ھمارے عزیز بچوں نے جو یہ قیمتی پروگرام رکھا ھے یہ ان کی کاوش لائق تحسین ھے یہی طلبا آئندہ کے معماران ھیں اس وقت وطن عزیز جن مشکل حالات سے گذر رھا ھے کہ لسانیت،علاقائیت،قومیت،صوبائیت اور فرقہ واریت کی بنیاد پر یہاں انتشار پیدا کر کے پاکستان کو کمزور کرنے کی سازش ھو رھی ھے ھماری نوجوان اور جوان نسل اگر بیدار ھوں اور اسی انداز میں مثبت سوچ کے ساتھ آگے بڑھتے رہیں تو ملک ترقی کی شاھراہ پر گامزن ھو جائے گا اور امن کا گہوارہ بن سکتا ھے رسول اکرم ص تمام انسانوں کے لیے رحمت بن کر آئے اور امن کا پیغام سب کے لیے لائے اسلام دین محبت ھے اوراسلام سب مذاھب والوں کو برابر کے حقوق دیتا ھے اسلام کے نام پر کسی کو دیگر مذاھب اور مسالک کے خلاف قتل کے فتوے دینے کا حق نہیں ھے ۔۔۔۔حکمرانوں کو بھی چاھیے کہ قانون کو عملی طور پر نافذ کریں اگر جرم کے بعد سزا کے عمل کو جاری نہ رکھا جائے تو امن قائم ھونے کی توقع عبث ھے۔