ایرانی سفیرسے مولانا فضل الرحمن کی ملاقات

جعفریہ پریس – جمعیت علمائے اسلام کے سربراہ مولانا فضل الرحمان نے کہا ہے کہ پاکستان اور ایران دونوں برادر اور ہمسایہ ممالک ہیں، دونوں ممالک کے درمیان بہتر تعلقات پائے جاتے ہیں، مسلمان ممالک کے درمیان بین الاقوامی سازشوں کی وجہ سے غیر یقینی کی صورتحال اور مشکلات پیدا کئے جا رہے ہیں، ان سازشوں کا پہلا شکار ان کے درمیان وحدت ہے۔ ان خیلات کا اظہارانہوں نے ایران کے سفیرعلی رضا ہغیغان سے ملاقات کے دوران کیا۔ انہوں نے کہا مسلمان ممالک کے درمیان باہمی اختلافات کو ہوا دینے کے لئے کوششیں کی گئی ہیں اوران مسلمان ممالک کے درمیان نااتفاقی کو عالمی طاقتوں کے مفادات کے حصول کے لئے فروغ دیا جا رہا ہے۔ فضل الرحمان نے کہا پاکستان اور ایران ایک دوسرے کے ہمسایہ ممالک ہیں اور بحیثیت ہمسایہ دونوں امن کے قیام کے بغیر نہیں رہ سکتے۔ انہوں نے کہا کہ ملت اسلامیہ ایک وجود کی طرح ہے جس میں رخنے ڈالنے سے سارے جسم میں درد محسوس ہوتا ہے،اس سلسے میں  حکومتی پیشرفت گلگت و بلتستان اسمبلی کا حالیہ قانون ہے- سربراہ کا کہنا تھا حکومت فضل الرحمان نے کہا مذہبی رواداری اورفرقہ واریت کے خاتمے کے لئے نئے قوانین بنا رہی ہے۔ دریں اثناء ایران کے سفیر نے کہا کہ پاکستان اور ایران دو برادر مسلمان ممالک ہیں، دونوں ممالک کے درمیان سیاسی اور اقتصادی تعلقات کو فروغ دینا چاہئے۔