تحریکِ جعفریہ پاکستان کی بحالی تشیعو کی کامیابی ہے۔ وفا عباس

تحریکِ جعفریہ کی بحالی قومی کامیابی اور ہماری قومی قیادت کی اتحاد بین الالمسلمین کے حوالے سے کی جانی والی کاوشوں کی دلیل ہے ان خیالات کا اظہار جعفریہ اسٹوڈنٹس آرگنائزیشن پاکستان کے مرکزی صدر وفا عباس نے اپنے ایک بیان میں کیا۔ وفا عباس نے پوری قوم سمیت قومی قیادت اور کارکنان کو ہدیہ تبریک پیش کرتے ہوئے مزید کہا کہ رہبرِ شیعانِ پاکستان آیت اللہ سید ساجد علی نقوی کی نہ صرف ملکی بلکہ عالمی سطح پربھی اتحاد بین المسلمین کی شناخت ہیں اور پاکستان میں اتحادِ امت کے اہم علمبردار مانے جاتے ہیں۔ اس ملک کی تمام مسالک کی دینی جماعتوں کو اپنے ساتھ ملا کر چلنا فرقہ واریت کو اپنے پیروں تلے روندنا اس ملک میں اتحاد و وحدت کی فضا کو قائم رکھنے سمیت دیگر ملی و قومی مسائل میں کردار ادا کرناآپ کا طرہ امتیاز رہا ہے۔ مگر افسوس ماضی میں ایک آمر نے شیعانِ پاکستان کی واحد نمائندہ جماعت پر بیلنس کرنے کے فارمولے کے تحت پابندی عائد کردی جسے آ ج سپریم کور ٹ نے اس ظالمانہ فیصلے کو کالعدم کر کے اسے بحال کر دیا۔مرکزی صدر وفا عباس نے مزید یہ بھی کہا کہ ہماری قومی جماعت تحریکِ جعفریہ اور قومی قیادت کا ماضی ابتداء ہی سے بے داغ رہا ہے اور ہم پر امید ہیں کہ قومی جماعت کی بحالی کے فیصلے سے ملکِ عزیزِ پاکستان میں فرقہ وارانہ ہم آہنگی کو مزید تقویت ملے گی