جی بی کے شیعہ طلباء کے نمائندہ وفد کی دیدار علی اور شیخ مرزا علی سے ملاقات

جعفریہ پریس – راولپنڈی اسلام آباد میں مقیم گلگت بلتستان کے شیعہ طلباء کے ایک نمائندہ وفد نے راولپنڈی میں صوبائی وزیر پانی و بجلی دیدار علی اور صدر شیعہ علماء کونسل گلگت ڈویژن علامہ شیخ مرزا علی سے خصوصی ملاقات کی۔ ملاقات میں وفد نے سانحہ عاشورہ راولپنڈی کے بعد پیدا ہونے والی صورتحال اور ابتک  پنڈی اسلام آباد میں مقیم جی بی کے طلباء کو درپیش مشکلات اور بالخصوص اس واقعے کی آڑ میں ہوسٹلز پر چھاپوں اور بلاجواز کچھ بیگناہ طلباء کی گرفتاریوں کے حوالے سے کردار ادا کرنے کی اپیل کی۔ اس موقع پر صوبائی وزیر دیدار علی اور شیخ مرزا علی نے وفد کو یقین دلایا کہ وہ اس حوالے سے پنجاب حکومت کیساتھ ساتھ وفاقی اداروں سے بھی رابطے کر رہے ہیں اور طلباء کے مسائل کے حل کیلئے ہر ممکن کوششیں کی جائیں گی۔