تازه خبریں

حرا ہسپتال سکھرمیں شیعہ علما کونسل کا شکارپورسانحے کے خلاف شدید احتجاج

جعفریہ پریس – شکارپور سانحے کے زخمیوں کو سول اسپتال شکارپور ، چانڈکا میڈیکل کالج لاڑکانہ اور سکھر کے نجی اسپتالوں میں منتقل کیا گیا ہے، جن میں 15 زخمیوں کو حرا ہسپتال سکھر منتقل کردیا گیا ہے، شیعہ علما کونسل خیرپور اور سکھر کے کارکنان بردار امتیاز شاہ کی قیادت میں امدادی سرگرمیوں میں مصروف ہیں – جعفریہ پریس کے نمائند ے کے مطابق اس وقت حرا ہسپتال سکھرمیں مومنین کی بڑی تعداد جمع ہے اورسکھر ہسپتال کے سامنے شکارپور سانحے کے خلاف  شدید احتجاج کیا جا رہا ہے – کراچی سے موصولہ رپورٹ کے مطابق آج رات بعد ازنماز مغرببین سانحہ شکارپور کے خلاف شیعہ علما کونسل کراچی ڈویژن کی جانب سے  خراسان سے نمائش چورنگی تک احتجاجی ریلی نکالی جائے گی-