خلیفہ عمر بن عبدالعزیز کے مقبرے کی بے حرمتی قابل مذمت ہےترجمان قائد ملت جعفریہ پاکستان
قائد ملت جعفریہ علامہ سید ساجد علی نقوی نے ہمیشہ ایسے واقعات کو دینی و اخلاقی اقدار کی نفی قرار دیا ہے
او آ ئی سی اس واقعے کی شفاف،غیر جانبدار اور قابل قبول تحقیقات کر کے مجرموں کو بے نقاب کرے۔ترجمان قائد ملت جعفریہ پاکستان
راولپنڈی۔ 31 مئی 2020 ( جعفریہ پریس پاکستان) قائد ملت جعفریہ پاکستان علامہ سید ساجد علی نقوی کے ترجمان زاہد علی آخونزادہ نے کہا ہے کہ خلیفہ عمر بن عبدالعزیز کے مقبرے کی بے حرمتی قابل مذمت ہے۔ اپنے ایک بیان میں انہوں کہا کہ مزارات عوام کی عقیدت و احترام کا مرکز ہوا کرتے ہیں اور انہدام جنت البقیع اور جنت المعٰلی میں اہلبیت اطہار، امہات المومنین اور اصحاب کرام کے مقابر و مزارات کو گرانے سمیت مختلف مقدس مقامات کی بے حرمتی کے واقعات ہر گز قابل قبول نہیں۔ انہوں نے مزید کہا کہ ایسے واقعات کی قائد ملت جعفریہ پاکستان علامہ سید ساجد علی نقوی پہلے بھی مذمت کر چکے ہیں اور مشترکات کے داعی ہونے کے ناطے انہوں نے ایسی انتہاءپسندانہ سوچ کو ہمیشہ دینی اور اخلاقی اقدار کی نفی سے تعبیر کرتے ہوئے مزارات کے احترام کو اہم قرار دیا ہے اور ہمیشہ ایسے گھناو ¿نے فعل کے مرتکب لوگوں کو بے نقاب کر کے قرار واقعی سزاءدینے کا مطالبہ بھی کیا ہے۔
قائد ملت جعفریہ کے ترجمان زاہد علی آخونزادہ نے او آئی سی سے خلیفہ عمر بن عبدالعزیز کے مزار کی بے حرمتی کے واقعے کی بھی غیر جانبدارانہ، شفاف اور قابل قبول تحقیقات کے ذریعے مجرموں کو بے نقاب کر کے قرار واقعی دینے کا مطالبہ کیا۔