زائرین کی بس پر ایک مرتبہ پھر حملے سے ثابت ہوتا ہے کہ ملک کے اندر ریاست نام کی کوئی چیزنہیں دہشت گرد جب اور جہاں چاہیں بیگناہ عوام کو اپنی تنگ نظری اور جہالت کا نشانہ بنا رہے ہیں ، علامہ شیخ مرزا علی

جعفریہ پریس – شیعہ علماء کونسل پاکستان گلگت ڈویژن کے صدر علامہ شیخ مرزا علی نے بلوچستان کے علاقے مستونگ میں ایک مرتبہ پھر زائرین کی بس کو دہشتگردی کا نشانہ بنانے اور 20 سے زائد بیگناہ و مظلوم زائرین کی شہادتوں پر شدید رنج و غم اور تشویش کا اظہار کرتے ہوئے کہا ہے کہ مذکورہ واقعے سے یہ ثابت ہو جاتا ہے کہ حکمران عوام کی جان و مال کو تحفظ دینے میں کتنی سنجیدہ ہے اور عملی طور پر عوام کو دہشت گردوں کے رحم و کرم پر چھوڑ دیا گیا ہے جس کا واضح ثبوت یہ ہے کہ ملک کے اندر ریاست نام کی کوئی چیز عملی طور پر نظر نہیں آتی اور دہشت گرد آزادی سے جب اور جہاں چاہیں بیگناہ اور معصوم عوام کو اپنی تنگ نظری اور جہالت کا نشانہ بنا رہے ہیں جبکہ حکمرانوں کے کانوں میں جوئی تک نہیں رینگتی۔ انہوں نے سانحہ مستونگ کیخلاف شیعہ علماء کونسل کی جانب سے گلگت بلتستان بھر میں تین روزہ سوگ جبکہ جمعہ کو پرامن علامتی احتجاجی مظاہروں کا بھی اعلان کیا ہے۔