سانحہ راولپنڈی انتظامیہ کی غفلت کی وجہ سے پیش آیا،اگر انتظامیہ تین ماہ پہلے جاگ جاتی تو اس قدر بڑا سانحہ پیش نہ آتا . عبداللہ رضا،مرکزی سینیر نائب صدر جے ایس او پاکستان

جعفریہ پریس – جے ایس او پاکستان کے سینیر نائب صدر عبداللہ رضا نے اپنے ایک بیان میں کہا ہے کہ راولپنڈی کا یہ دلخراش واقعہ انتظامیہ کی غفلت کی وجہ سے پیش آیا۔ان کا کہنا تھا کہ آج سے ۳ ماہ پہلے جب دیواروں پر شیعہ کافر کے نعرے لکھے گئے اس وقت انتظامیہ خواب خرگوش کے مزے لے رہے تھی۔اسی راولپنڈی میں چند شر پسند عناصر نے وال چاکنگ کی اور شیعہ کافر کے نعرے لکھے گئے۔لیکن انتظامیہ کی مجرمانہ بے حسی دیکھیں کہ کسی نہ کوئی ایکشن نہ لیا۔ اگر اس وقت انتظامی ادارے ذمہ داری کا ثبوت دیتے تو راولپنڈی کو اس قدر افسوسناک واقعہ سے بچایا جا سکتا تھا۔پھر عصر عاشور کو بھی انتظامیہ نے وہ کردار ادا نہیں کیا جو اس کو کرنا چاہیے تھا۔ہم حکومت سے اپیل کرتے ہیں کہ نہ صرف وہ لو گ جو اس واقعہ میں ملوث ہیں بلکہ وہ انتظامی ادارے کہ جن کی وجہ سے یہ سانحہ پیش آیا ان کو بھی کٹہرے میں لایا جائے۔