شدت پسند تنظیم علامہ ساجد نقوی پر حملے کی منصوبہ بندی کررہی ہے،حکومتی انتباہ

جعفریہ پریس – شیخوپورہ (نمائندہ جنگ) حکومت کی طرف سے قانون نافذ کرنے والے اداروں کومراسلے میں کہا گیا ہے کہ شدت پسندوں کی ایک تنظیم علامہ ساجدعلی نقوی اورحامدعلی موسوی کو ٹارگٹ بنانے کی منصوبہ بندی کررہی ہے جبکہ شدت پسند راولپنڈی اوراسلام آباد میں ایک فرقے سے تعلق رکھنے والے اہم رہنماؤں پر بھی حملے کرسکتے ہیں ۔ مراسلے میں مزید کہا گیا ہے کہ کالعدم تحریک طالبان پاکستان سے تعلق رکھنے والا طوفانی گروپ اگلے چند روز میں پشاور، اسلام آباد اور راولپنڈی میں دہشت گردی کرنے کے منصوبے تیار کر رہا ہے، ذارائع کے مطابق حکومت نے فول پروف سکیورٹی کی ہدایت کی ہے۔