شعبہ زائرین دفتر قائد ملت جعفریہ کی جانب سے ایک زائر کا قم المقدسہ میں فوت ہونے پر کفن , دفن اور نماز میت کا مکمل اہتمام

تفصیلات کے مطابق یکم جون کو دن گیارہ بجے دفتر قائد ملت جعفریہ و نمائندہ ولی فقیہ میں وہاڑی کے قافلہ سالار مولانا شیخ منظور صادقی کا فون آیا کہ حسینیہ امام صادق قم میں مقیم کاروان حسینی کا 55 سالہ زائر طالب حسین عباسی سخت مریض ہوگیا ہے خبر سنتے ہی مسئول شعبہ زائرین سید ناصر عباس انقلابی کامکار ہسپتال  پہنچ گئے جہاں زائر بی بی معصومہ فوت ہو چکا تھا . سید ناصر انقلابی صاحب نے ہسپتال کے ڈاکٹر سے ملکر تمام قانونی کاروایاں مکمل کیں اور میت کو قبرستان بہشت معصومہ منتقل کروایا  جبکہ بہشت معصومہ میں بھی تمام قانونی پیچیدگیاں حل کروا کر میت کا غسل کفت کا انتظام کیا  اور دفتر نمائندہ ولی فقیہ و قائد ملت جعفریہ کے پیڈ کے ذریعے 20 لاکھ تومان کا کام فری کروایا اور دوسرے دن دو جون کو صبح 9 بجے صدر شیعہ علماء کونسل خیبر پختونخواہ علامہ محمد رمضان توقیر کی اقتداء میں نماز میت پڑھی گئی. جس میں علماء طلاب اور زائرین کی بڑی تعداد نے شرکت کی . اور بہشت معصومہ میں دفن کروانے کے بعد رات کو بعد از مغربین دار التلاوہ بی بی حرم معصومہ میں زائر مرحوم کے ایصال ثواب کیلئے مجلس عزا کا انعقاد کیا گیا جسمیں مولانا شیخ منظور حسین نے خطاب کیا اور مرحوم کیلئے نماز وحشت قبر کا بھی اعلان کیا گیا دفتر قائد ملت جعفریہ کی طرف سے مرحوم کے لواحقین کی خدمت میں تعزیت پیش کی گئی .
انشاء اللہ شعبہ زائرین دفتر قائد ملت جعفریہ پاکستان کی طرف سے زائرین بی بی معصومہ کی تمام تر مشکلات میں خصوصی تعاون جاری رہے گا.