شیعہ علماءکونسل پاکستان کے اعلیٰ سطحی وفد کی عراقی سفیر سے ملاقات
مرکزی سیکرٹری جنرل علامہ ڈاکٹر شبیر حسن میثمی کی قیادت میں علامہ عارف حسین واحدی، علامہ مظہر عباس علوی اور زاہد علی آخونزادہ وفد میں شریک
وفد نے زائرین کے مسائل سے آگاہ کیا۔ عراقی سفیر کی مسائل کے حل کی یقین دہانی
اسلام آباد 13 اکتوبر 2022( جعفریہ پریس پاکستان )شیعہ علماءکونسل پاکستان کے اعلیٰ سطحی وفد نے مرکزی سیکرٹری جنرل علامہ ڈاکٹر شبیر حسن میثمی کی سربراہی میں عراق کے سفیر محترم حامد عباس لطفا سے عراقی سفارت خانے میں ملاقات کی۔ وفد میں مرکزی نائب صدور علامہ عارف حسین واحدی، علامہ مظہر عباس علوی اور مرکزی سیکرٹری اطلاعات زاہد علی آخونزادہ شامل تھے۔ وفد نے عراقی سفیر کو زائرین کے مسائل سے آگاہ کیا اور زائرین کو درپیش مسائل جن میں ویزہ پالیسی، سرحد پر عدم سہولیات، زائرین کے طبی مسائل اور مالی مشکلات شامل تھیں کو حل کرنے کی گذارش کی اور اس ضمن میں متعدد سفارشات بھی پیش کیں۔ سفیر محترم حامد عباس لطفا نے زائرین کے مسائل کو بغور سنا اور ان مسائل کے حل کی یقین دہانی کرائی۔ سفیر محترم نے کہا کہ پاکستان اور عراق کی عوام کے تعلقات کو دوستانہ اور برادرانہ قرار دیتے ہوئے زیارات پر جانے والے زائرین کی سہولیات کی فراہمی میں ہرممکن تعاون کا بھی یقین دلایا۔
