• ایران اور سعودی عرب کے درمیان سفارتی تعلقات کی بحالی وقت کی ضرورت ھے۔علامہ عارف واحدی
  • اسلامی تحریک پاکستان کا صوبائی ا نتخابات میں بھرپور حصہ لینے کا اعلان
  • جامعہ جعفریہ جنڈ کے زیر اہتمام منعقدہ عظیم الشان نہج البلاغہ کانفرنـــــس
  • سانحہ پشاور مجرموں کی عدم گرفتاری حکومتوں کی ناکامی کا منہ بولتا ثبوت ہے، ترجمان قائد ملت جعفریہ ہاکستان
  • سانحہ بسری کوہستان !عشرہ گزر گیا مگر قاتل پکڑے گئے نہ مظلومین کو انصاف ملا،
  • راہِ حسین(ع) پر چلنے کیلئے شہداء ملت جعفریہ نے ہمیں بے خوف بنا دیا ہے۔علامہ شبیر حسن میثمی
  • شیعہ علماء کونسل پاکستان سندھ کے زیر اہتمام کل شہدائے سیہون کی برسی کا اجتماع ہوگا
  • شہدائے سیہون شریف کی برسی میں بھرپور شرکت کو یقینی بنائیں علامہ شبیر حسن میثمی
  • ثاقب اکبر کی وفات پر خانوادے سے اظہار تعزیت کرتے ہیں علامہ عارف حسین واحدی
  • شیعہ علماء کونسل پاکستان کی ثاقب اکبر کے انتقال پر تعزیت

تازه خبریں

شیعہ علماء کونسل پاکستان کے وفد کی ایرانی سفیر محمد علی حسینی سے ملاقات

شیعہ علماء کونسل کے ایک اعلیٰ سطحی وفد نے مرکزی سیکرٹری جنرل علامہ ڈاکٹر شبیر حسن میثمی کی سربراہی میں اسلامی جمہوریہ ایران کے سفیر سید محمد علی حسینی سے ملاقات کی۔ وفد میں شیعہ علماء کونسل پاکستان کے مرکزی نائب صدرو علامہ عارف حسین واحدی، علامہ مظہر عباس علوی اور مرکزی سیکرٹری اطلاعات زاہد علی آخونزادہ شامل تھے۔ وفد نے مختلف امور پر تبادلہ خیال کیا۔ اس موقع پر وفد نے ایرانی سفیر کو زائرین کے مسائل سے مفصل طور پر آگاہ کیا اور زائرین کے مسائل کے فوری حل کی گذارش کی۔ وفد نے بتایا کہ ویزہ میں تاخیر سے اربعین میں زائرین مشکلات کا شکار رہے اور اب بھی سرحدات پر زائرین کی ایک بڑی تعداد وطن واپسی اور ایران داخلے کی مشکلات سے دوچار ہے۔ انہوں نے ان  مشکلات کی تفصیلات سے سفیر محترم کو آگاہ کیا۔ جبکہ وفد نے ایرانی یونیورسٹیوں میں تعلیم حاصل کرنے والے طالب علموں کی اسناد کو پاکستان کی یونیورسٹیز میں بھی متوازی بنانے کے لیے اقدامات کرنے کی اپیل کی۔ اس موقع پر اسلامی جمہوریہ ایران کے سفیر سید محمد علی حسینی نے کہا کہ پاکستان اور ایران کے بہترین دوستانہ و برادرانہ تعلقات کی بنا پر پاکستانی زائرین کے مسائل کو ترجیحی بنیادوں پر حل کیا جا رہا ہے۔ انہوں نے کہا دونوں ہمسایہ ممالک میں ثقافتی، مذہبی، عوامی، دوستانہ اور برادرانہ مظبوط روابط قائم ہیں۔ اس موقع پر انہوں نے آئندہ اربعین کے حوالے سے زائرین کے مسائل کے حل اور ویزہ پالیسی کو پاکستانی زاہرین کے لیے آسان بنانے سے متعلق بھی اقدامات کرنے کا یقین دلایا جبکہ انہوں نے کہا کہ پاکستانی طالب علموں  کے لیے تعلیمی مواقع کو بھی آسان بنایا جائے گا۔ انہوں نے بتایا کہ یونیورسٹیز کے ان طالب علموں کی اسناد کو بھی پاکستانی یونیورسٹیوں میں متوازی حثیت دلانے کے لیے اقدامات کیے جا رہے ہیں اور اس معاملے کو بھی جلد حل کر لیا جائے گا ۔