علاقائی کونسل آزاد و جموں و کشمیر شیعہ علماء کونسل کا اجلاس، ملک کے اکثر حصوں کو بدترین سیلاب کا سامناہے، امدادی کام مزید تیز کیا جائے،علامہ سید مشتاق حسین ہمدانی

جعفریہ پریس – پیر کے روز شیعہ علماء کونسل آزاد کشمیر کے صدارتی انتخاب کیلئے زیر صدارت علامہ سید مشتاق حسین ہمدانی اور زیر نگرانی چیف آرگنائزر سید ذوالفقار نقوی علاقائی کونسل کا اجلاس منعقد ہوااتفاق رائے سے علامہ سید صادق حسین نقوی کو آزاد جموں و کشمیر کا صدر منتخب کرلیاگیا ۔ دوسری جانب شیعہ علماء کونسل پاکستان کی مرکزی قیادت کی جانب سے مرکزی سیکرٹری مالیات
علامہ مشتاق حسین ہمدانی نے نومنتخب صدر کو مبارکباد پیش کرتے ہوئے کہاکہ امید ہے علامہ صادق نقوی اپنی تمام ترتوانائیاں ملک و ملت کے تحفظ کی خاطر صرف کریں گے ۔ انہوں نے کہاکہ اس وقت آزاد کشمیر ، پنجاب سمیت ملک کے کئی حصوں کو سیلاب کی بدترین صورتحال کا سامنا ہے جس کیلئے صوبائی وڈویژنل اور ضلعی تنظیمیں اپنا متحرک کردار ادا کریں جبکہ مخیر حضرات بھی اس سلسلے میں آگے آئیں۔ انہوں نے کہاکہ شیعہ علماء کونسل پاکستان نے تمام متاثرہ علاقوں میں امدادی کیمپ قائم کردیئے ہیں ، متاثرین سیلاب تک امداد پہنچانے کیلئے تمام مرکزی، صوبائی ، ڈویژنل ، ضلعی عہدیدار اور مخیر حضرات مرکزی دفتر سے رابطہ کریں۔