علامہ عارف واحدی کادفتر قائد ملت جعفریہ شعبۂ مشہد مقدس کا دورہ اور مرحوم علامہ حسین علی تشکری کی فاتحہ خوانی

جعفریہ پریس – سیکرٹری جنرل  شیعہ علماء کونسل پاکستان علامہ عارف واحدی نےدفتر قائد ملت جعفریہ شعبۂ مشہد مقدس کا دورہ کیا ۔ رپورٹ کے مطابق بدھ کے روزدوپہر ایک بجے مشہد مقدس میں نمائندہ ولی فقیہ و قائد ملت جعفریہ پاکستان علامہ سید ساجد علی نقوی مدظلہ العالی کے دفتر کا دورہ کیا۔اس موقع  پر مسئول محترم وحید علی ساجدی  اورجنرل سیکرٹری مولانا ترابی کے علاوہ کابینہ کے دیگر اراکین بھی موجود تھے۔
علامہ واحدی صاحب نے دفتر ی کارکردگی رپورٹ کو سراہتے ہوئے مسئول مولانا وحید علی ساجدی سے تمام  دفتری امور  اور آئندہ کے پروگرامز  سے متعلق تفصیلی  گفتگو کی۔
اس کے بعد سیکرٹری جنرل  شیعہ علماء کونسل پاکستان کی علامہ عارف واحدی نے حوزۂ علمیہ مشہد مقدس کے اردو زبان استاد مرحوم حجۃ الاسلام والمسلمین حاج حسین تشکری کے گھر جا کر مرحوم کے داماد جناب نجف علی سعادتی سے فاتحہ خوانی کی۔
رپورٹ کے مطابق اس ملاقات میں علامہ واحدی نے مرحوم تشکری کو اپنے قدیمی  اور صمیمی ساتھیوں سے بیان کرتے ہوئے مرحوم و مغفور کی بلندی درجات کے لیے دعا فرمائی۔
اس ملاقات میں علامہ واحدی نے جناب نجف علی سعادتی صاحب کی حرم مطہر رضوی میں خدمات کو سراہتے ہوئے انہیں اردو زبان زائرین کی مشکلات کے حل میں مزید بہتری لانے کے لیے تاکید کی۔