جھاڑا:- ڈی آئی خان
استاد العلماء حضرت غلام حسن جھاڑا مرحوم و مغفور کی نماز جنازہ شیعہ علماء کونسل پاکستان کے مرکزی سینئر نائب صدر اور بزرگ عالم دین علامہ سید محمد تقی نقوی حفظہ اللہ کی اقتداء میں باب نجف جھاڑا اداء کر دی گئی۔ نماز جنازہ میں شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی سمیت بزرگ علماء علامہ افتخار حسین نقوی، علامہ محمد رمضان توقیر، علامہ افضل حیدری، علامہ ظفر شاہانی سمیت مرحوم کے سینکڑوں شاگردوں علماء شریک ہوئے۔ اس موقع پر علماۓ کرام سے تبادلہ خیال میں شیعہ علماء کونسل پاکستان کھ مرکزی سیکرٹری جنرل علامہ ڈاکٹر شبیر حسن میثمی نے مرحوم و مغفور علامہ غلام حسن جھاڑا کی علمی و تنظیمی خدمات کو خراج عقیدت پیش کرتے ہوئے کہا کہ جس طرح مرحوم نے درس و تدریس کے ذریعے مکتب حقا کے فروغ میں گرانقدر خدمات انجام دیں وہیں قومی پلیٹ فارم اور قیادت کے ساتھ ان کی غیر متزلزل وابستگی نے بھی ان کے عقیدت مندوں کو قیادت کا دست و بازو مظبوط کرنے کا درس دیا جو یقینا” ایک عالم باعمل کا ہی وصف ہو سکتا ہے۔ انہوں نے مرحوم کے لواحقین کو قائد ملت جعفریہ پاکستان حضرت آیت اللہ سید ساجد علی نقوی دامت برکاتہ کا تعزیتی پیغام بھی پہنچایا اور مرحوم کے درجات کی بلندی کے لیے دعا بھی کی۔
