قائد انقلاب اسلامی حضرت آیت اللہ العظمی سید علی خامنہ ای کا تہران کے ایک سرکاری اسپتال میں کامیاب آپریشن

جعفریہ پریس- قائد انقلاب اسلامی حضرت آیت اللہ العظمی سید علی خامنہ ای کا تہران کے ایک سرکاری اسپتال میں کامیاب آپریشن ہوا- ایرانی ذرائع کے مطابق آج 8 ستمبر(بروز پیر) پروسٹاٹ بیماری کی وجہ سے قائد انقلاب اسلامی حضرت آیت اللہ العظمی سید علی خامنہ ای کا تہران کے ایک سرکاری اسپتال میں کامیاب آپریشن کیا گیا –  آپریشن کے لئے اسپتال جاتے ہوئے ایرانی مرکزی نیوز ایجنسی کے ساتھ گفتگو کرتے ہوئے قائد انقلاب اسلامی نے فرمایا کہ میرا ایک آپریشن ہونا ہے جس کے لئے میں اسپتال جارہا ہوں، یہ ایک مختصر اور معمولی آپریشن ہے اور اس میں پریشانی کی کوئی بات نہیں ہے۔البتہ اس کا یہ مطلب بھی نہیں، لوگ دعا نہ کریں مومنین کی دعا سے اللہ تعالی کا لطف و کرم شامل ہوگا اور انشاء اللہ تمام کام اچھی طرح انجام پذیر ہوں گے۔ اس موقع پر ایران کے صدر حسن روحانی نے قائد انقلاب اسلامی سے اسپتال میں خصوصی ملاقات اور عیادت کی – پروسٹاٹ بیماری کی وجہ سے قائد انقلاب اسلامی حضرت آیت اللہ العظمی سید علی خامنہ ای کا آپریشن کامیاب رہا اور ڈاکٹروں کے مطابق آپ الحمد للہ بالکل صحت یاب ہیں۔