مذہبی فتنوں سے مسلمانوں کو نقصان پہنچ رہا ہے , اس کے پیچھے صہیونی حکومت کا ہاتھ ہے ; آیۃ اللہ محسن اراکی

جعفریہ پریس – مجمع جہانی تقریب مذاہب اسلامی کے سکریٹری جنرل نے کہا ہے کہ تکفیریوں کے پروپیگنڈے اور مذہبی فتنوں سے تمام مسلمانوں کو نقصان پہنچ رہا ہے۔ تفصیلات کےمطابق تقریب مجمع مذاھب اسلامی کے سکریٹری جنرل آیۃ اللہ محسن اراکی نے لبنان کے ٹی وی چینل المنار کے ساتھ گفتگو ميں عالم اسلام کو لاحق تکفیری گروہوں کے خطروں سے خبردار کرتے ہوئے کہا کہ صہیونی ان گروہوں کی حمایت کررہے ہیں اور بلا شبہ دشمنوں کی جانب سے جو فتنہ برپا کیا گیا اس کے پیچھے صہیونی حکومت کا ہاتھ ہے اور بعض نے آشکارا طور پر ان گروہوں کی حمایت کی ہے ۔ آیۃ اللہ اراکی نے مزاحمت کی کامیابیوں کی جانب اشارہ کرتے ہوئے کہا کہ اسلامی مزاحمت نے خواہ وہ لبنان ميں ہو یا فلسطین اور یا کسی اور اسلامی ملک میں ، یہ ثابت کردکھایا ہے کہ وہ برد بار ، مضبوط اور طاقتور ہے اور کوئی بھی طاقت اسے متزلزل نہیں کرسکتی ۔