مشہد مقدس ایران شیعہ علماء کونسل پاکستان کے مرکزی سکریٹری جنرل کی ایرانی سرکاری ٹیلی ویژن کو انٹرویو

مشہد مقدس ایران 
Jafariapress.com
شیعہ علماء کونسل کے مرکزی سیکرٹری جنرل علامہ عارف حسین واحدی نے دفتر قائد ملت جعفریہ مشہد مقدس میں پریس کانفرنس کی۔انھوں نے ایرانی سرکاری ٹی وی ’’صدا وسیما‘‘ کو انٹرویو دیتے ہوئے خبرنگار کے اس سوال کہ ہم خطے میں بہت زیادہ ناامنی کو دیکھ رہے ہیں آپ کی نظر میں یہ اسلامی وحدت دشمنوں کو خطے سے دور کرنے میں کس قدر مفید واقع ہوسکتی ہے؟ کے جواب میں کہا:میں سمجھتا ہوں کہ اسلامی ممالک اور امت مسلمہ میں اتحاد و وحدت طاغوتی اور شیطانی قوتوں کے مدمقابل ایک بنیادی کام ہے اور اس اتحاد و وحدت کی جیسا کہ رہبر معظم انقلاب اسلامی نے راہنمائی فرمائی ہے اگر اسی طرح امت مسلمہ رہبر کے فرامین پر توجہ دے تو یہ اسلامی ممالک جن میں بسا اوقات اختلافات ہوجاتے ہیں جن کے پشت پردہ امریکہ اور اس کی حامی خطے کی بعض دوسری طاقتین کارفرما ہوتی ہیں ،اگر ہم اتحاد و وحدت کیلئے اسی طرح سے گامزن رہیں تو طاغوتی طاقتوں کو شکست ہوگی اور امت مسلمہ کامیاب ہوجائے گی۔