نوجوانان ملت جعفریہ اپنے محبوب قائد کے کسی بھی حکم پر لبیک کہتے ہوئے شیعہ نسل کشی کیخلاف فیصلہ کن احتجاجی تحریک چلانے کیلئے ہمہ وقت تیار ہیں ، سید اظہار بخاری

جعفریہ پریس  – جعفریہ یوتھ  پاکستان کے مرکزی ناظم اعلٰی سید اظہار بخاری نے مستونگ کے علاقے میں ایک مرتبہ پھر زائرین کی بس کو تکفیری دہشت گردوں کی جانب سے نشانے بنانے اور ابتک 22 سے زائد زائرین کی شہادت پر شدید رنج و غم اور افسوس کا اظہار کرتے ہوئے قائد ملت جعفریہ پاکستان حضرت آیت اللہ علامہ سید ساجد علی نقوی  کے حکم پر تین روزہ سوگ اورجمعہ 24 جنوری کو ملک گیر یوم احتجاج منانے کا اعلان کیا ہے۔ جعفریہ یوتھ کے مرکزی ناظم اعلٰی کا پشاور میں شہید مولانا عالم موسوی کے جنازے میں خصوصی شرکت کے بعد اسلام آباد واپسی پر جاری اپنے ایک مذمتی بیان میں کہنا ہے کہ  نوجوانان ملت جعفریہ اپنے محبوب قائد کے کسی بھی حکم پر لبیک کہتے ہوئے شیعہ نسل کشی کیخلاف فیصلہ کن احتجاجی تحریک چلانے کیلئے ہمہ وقت تیار ہیں۔