ہم ماضی کی طرح اس مرتبہ بھی گلگت بلتستان کی سیاست میں اپنا بھرپورعملی کردار اداء کرینگے ، دیدار علی

جعفریہ پریس – ہم ماضی کی طرح اس مرتبہ بھی گلگت بلتستان کی سیاست میں اپنا بھرپور عملی کردار اداء کرینگے اور تشیع کے حقوق کا دفاع ایوانوں کے اندر جاری رکھیں گے۔ ان خیالات اظہار اسلامی تحریک پاکستان کے صوبائی وزیر پانی و بجلی و ممبر گلگت بلتستان قانون ساز اسمبلی دیدار علی نے گلگت سیکرٹریٹ میں پارٹی ورکرز کے ایک اہم اجلاس سے خطاب کرتے ہوئے کیا۔ اجلاس میں جعفریہ یوتھ اور دیگر ذیلی اداروں کے کارکنان شریک تھے۔ انکا مزید کہنا تھا کہ فی الحال کسی بھی سیاسی جماعت سے باضابطہ اتحاد کا فیصلہ نہیں ہوا تاہم بہت سی سیاسی و مذہبی جماعتیں انتخابی اتحاد کیلئے مسلسل رابطے کر رہی ہیں۔ حتمی فیصلہ اور انتخابی منشور کا اعلان بہت جلد اسلامی تحریک پاکستان کے مرکزی قائدین اپنے دورہ گلگت بلتستان کے موقع پر کرینگے۔