امریکہ :ریکس ٹیلرسن کو امریکی وزیر خارجہ نامزد کر دیا گیا

امریکا کے نومنتخب صدرڈونلڈ ٹرمپ نے ایکسون موبل کے چیف ایگزیکیٹو”ریکس ٹیلرسن” کو وزیرخارجہ نامزد کردیا ہے ۔ امریکی میڈیا کے مطابق تیل فروخت کرنے والی بین الاقوامی کمپنی کے سربراہ کے روس کے صدرولادی میرپیوٹن سے قریبی تعلقات ہیں۔ ریکس کے انتخاب سے قبل متعددری پبلکن اورڈیموکریٹک ارکان پارلیمنٹ نے تحفظات کا اظہارکرتے ہوئے کہا تھا کہ ٹیلرسن کے روس سے دو دہائیوں سے تعلقات اور کاروباری روابط ہیں۔ ریکس ٹیلرسن نے 2013 میں روس پر اقتصادی پابندیوں کی مخالفت کی تھی جس کے بعد روسی صدر ولادیمیر پیوٹن نے خاص طور پر انھیں ’’آرڈر آف فرینڈشپ‘‘ کے اعزاز سے نوازا ۔