روس کے ساتھS-400میزائل ڈیفنس سسٹم معاہدہ ختم نہیں کیا جائے گا:ترکی
ترکی نے پھرکہا ہے کہ روس کے ساتھ ایس فور ہنڈرڈ میزائل ڈیفنس سسٹم کی خریداری کا معاہدہ ختم نہیں کیا جائے گا۔
دوحہ میں کانفرنس سے خطاب کرتے ہوئے ترک وزیر خارجہ میلود چاوش اوگلو نے کہا کہ روس سےایس فور ہنڈرڈ میزائل ڈیفنس سسٹم کی خریداری پر امریکہ نے کوئی پابندیاں عائد کیں تو ترکی بھی جوابی اقدام کرےگا۔ ترک وزیر خارجہ نے چند روز قبل بھی ایک نیوز چینل کو انٹرویو میں کہا تھاکہ ترکی ایف تھرٹی فائیو امریکی لڑاکا طیاروں کےمتبادل کے طور پر روس یا کسی اور ملک سے طیارے خریدنے کے بارے میں سوچ رہا ہے۔امریکہ نے روس سے ایس فور ہنڈرڈ میزائل ڈیفنس سسٹم کی خریداری پررد عمل کے طور پر ترکی کو ایف تھرٹی فائیو لڑاکا طیاروں کی فراہمی منسوخ کر دی تھی۔