بلوچستان بھر میں محرم الحرام 1447ھ کے موقع پر عزاداری کے چھوٹے بڑے اجتماعات منظم اور باوقار انداز میں منعقد ہوئے۔ کوئٹہ، مستونگ، ڈیرہ مراد جمالی، نصیر آباد، تربت، پنجگور اور دیگر علاقوں میں جلوس ہائے عزا، مجالس، سینیہ زنی، علم و تعزیہ کے پروگراموں کا وسیع پیمانے پر اہتمام کیا گیا۔
مقامی تنظیموں، علماء کرام، رضاکاروں اور ضلعی انتظامیہ کے تعاون سے سیکیورٹی، ٹریفک اور طبی سہولیات کے مربوط انتظامات کیے گئے۔ جلوسوں کے روایتی راستوں پر فول پروف سیکیورٹی فراہم کی گئی جبکہ امام بارگاہوں اور ماتمی جلوسوں کے اطراف میں امدادی کیمپس اور پانی و شربت کی سبیلیں قائم کی گئیں۔
عزاداری کے ان اجتماعات میں خواتین، بزرگوں، نوجوانوں اور بچوں نے بھرپور شرکت کی۔ کئی مقامات پر اہل سنت افراد نے بھی عزاداروں کے استقبال اور خدمت میں حصہ لیا، جس سے فرقہ وارانہ ہم آہنگی اور وحدت بین المسلمین کا پیغام عام ہوا۔
بلوچستان میں عزاداری کے یہ اجتماعات مکمل طور پر پرامن، عقیدت و احترام سے بھرپور اور مثالی نظم و ضبط کے ساتھ جاری ہیں جو روز عاشورا تک جاری رہیں گے