سیلاب متاثرین کی امداد کے لئے شیعہ علماء کونسل پاکستان کراچی ڈویزن کی جانب سے طبی ادویات کی پہلی کھیپ کراچی سے جھنگ روانہ

جعفریہ پریس ۔ قائد ملت جعفریہ پاکستان حضرت آیت اللہ علامہ سید ساجد علی نقوی کی خصوصی ہدایات پرسیلاب متاثرین کی امداد کے لئے شیعہ علماء کونسل پاکستان کراچی ڈویزن کی جانب سے طبی ادویات کی پہلی کھیپ کراچی سے جھنگ روانہ، جعفریہ پریس کی رپورٹ کے مطابق حالیہ سیلاب کی تباہ کاریوں کی وجہ سے سینکڑوں لوگ زندگی کی بازی ہارچکے ہیں جبکہ لاکھوں خاندان بے گھر ہوگئے ہیں ،انہیں ایک وقت کی روٹی بھی میسرنہیں اوراس وقت ہمارے لاکھوں بھائی سیلاب کی تباہ کاریوں کے باعث شدید مشکلات میں گھرے ہوئے ہیں، مختلف بیماریوں کے خطرات ڈگمگا رہے ہیں۔ اس تشویشناک صورتحال پرقائد ملّت جعفریہ پاکستان حضرت آیت اللہ علامہ سید ساجد علی نقوی نے خصوصی ہدایات جاری کیں کہ اس مصیبت کی گھڑی میں ہم سب کو مل کر سیلاب متاثرین کی مدد کے لیے کمر بستہ ہوجا نا چاہئے۔ قائد ملّت جعفریہ کی خصوصی ہدایات پرسیلاب متاثرین کی امداد کے لئے شیعہ علماء کونسل پاکستان ،جعفریہ یوتھ سمیت دیگر سماجی و رفاہی اداروں نے سیلاب متاثرین کی مدد کے لیے مختلف مقامات پر کیمپس لگا کر امدادی کام شروع کردیا ہے- جعفریہ پریس کے نمائندےکی رپورٹ کے مطابق قائد ملت جعفریہ پاکستان کی خصوصی ہدایات پرسیلاب متاثرین کی امداد کے لئے شیعہ علماء کونسل پاکستان کراچی ڈویزن کی جانب سے طبی ادویات کی پہلی کھیپ کراچی سے جھنگ روانہ ہے-