جعفریہ پریس – شیعہ علماء کونسل پاکستان کے مرکزی رہنما علامہ شبیر حسن میثمی کی سربراہی میں ایس یو سی سندھ کے وفد نے ایڈیشنل آئی جی کراچی شاہد حیات سے تفصیلی ملاقات کی – ایس یو سی سندھ کے وفد میں شیعہ علما کونسل سندھ کے سیکرٹری جنرل علامہ ناظرعباس تقوی اور ایس یوسی کراچی ڈویژن کے صدر علامہ جعفر سبحانی و دیگر شخصیات شامل تھیں- وفد نے ملک بھر بالخصوص کراچی میں جاری ٹارگٹ کلنگ پر شدید تشویش کا اظہار کرتے ہوئے انچولی بم بلاسٹ و ٹارگٹ کلنگ میں قیمتی جانوں کے ضیاع سمیت علامہ دیدار جلبانی کی شہادت میں ملوث دہشت گرد عناصر کے خلاف فی الفور کاروائی کا مطالبہ کیا ۔انہوں نے کہا کہ ان واقعات کے ظاہری اور پس پردہ محرکات کا باریک بینی سے جائزہ لیا جائے ۔ شیعہ علما کونسل سندھ کے وفد نے چہلم امام حسین (ع) کی سیکورٹی سخت کرنے کا بھی مطالبہ کیا- ایڈیشنل آئی جی کراچی شاہد حیات نے مجرموں کی جلد گرفتاری اور چہلم کے جلوس کی سیکورٹی بہتر بنانے کی یقین دہانی کراتے ہوئے کہا کہ وہ کسی گروپ یا فرقے سے مرعوب نہیں ہوں گے بلکہ سماج دشمن عناصر خواہ وہ کسی بھی سیاسی جماعت یا تنظیم سے تعلق رکھتے ہوں ان کے خلاف بلا تفریق کارروائی کو یقینی بنائیں گےاور آپ کے مذہبی عبادات کی انجام دہی اور تحفظ کو یقینی بنانا ہماری ذمہ داری ہے۔
- ایران اور سعودی عرب کے درمیان سفارتی تعلقات کی بحالی وقت کی ضرورت ھے۔علامہ عارف واحدی
- اسلامی تحریک پاکستان کا صوبائی ا نتخابات میں بھرپور حصہ لینے کا اعلان
- جامعہ جعفریہ جنڈ کے زیر اہتمام منعقدہ عظیم الشان نہج البلاغہ کانفرنـــــس
- سانحہ پشاور مجرموں کی عدم گرفتاری حکومتوں کی ناکامی کا منہ بولتا ثبوت ہے، ترجمان قائد ملت جعفریہ ہاکستان
- سانحہ بسری کوہستان !عشرہ گزر گیا مگر قاتل پکڑے گئے نہ مظلومین کو انصاف ملا،
- راہِ حسین(ع) پر چلنے کیلئے شہداء ملت جعفریہ نے ہمیں بے خوف بنا دیا ہے۔علامہ شبیر حسن میثمی
- شیعہ علماء کونسل پاکستان سندھ کے زیر اہتمام کل شہدائے سیہون کی برسی کا اجتماع ہوگا
- شہدائے سیہون شریف کی برسی میں بھرپور شرکت کو یقینی بنائیں علامہ شبیر حسن میثمی
- ثاقب اکبر کی وفات پر خانوادے سے اظہار تعزیت کرتے ہیں علامہ عارف حسین واحدی
- شیعہ علماء کونسل پاکستان کی ثاقب اکبر کے انتقال پر تعزیت