• عزاداری مذہبی و شہری آزادیوں کا مسئلہ، قدغن قبول نہیں، علامہ شبیر میثمی
  • قائد ملت جعفریہ علامہ ساجد نقو ی کی ا پیل پر بھارت میں توہین آمیز ریمارکس پر ملک گیر احتجاج
  • قائد ملت جعفریہ پاکستان کی مختلف شخصیات سے ان کے لواحقین کے انتقال پر تعزیت
  • اسلامی تحریک پاکستان کا گلگت بلتستان حکومت میں شامل ہونے کا فیصلہ
  • علماء شیعہ پاکستان کے وفدکی وفاقی وزیر تعلیم سے ملاقات نصاب تعلیم پر گفتگو مسائل حل کئے جائیں
  • بلدیاتی انتخابات سندھ: اسلامی تحریک پاکستان کے امیدوار بلامقابلہ کامیاب
  • یاسین ملک کو دی جانے والی سزا ظلم پر مبنی ہے علامہ شبیر حسن میثمی شیعہ علماء کونسل پاکستان
  • ملی یکجہتی کونسل اجلاس علامہ شبیر میثمی نے اہم نکات کی جانب متوجہ کیا
  • کراچی میں دہشتگردی کی مذمت کرتے ہیں شیعہ علماء کونسل پاکستان صوبہ سندھ
  • اسلامی تحریک پاکستان کا اعلی سطحی وفد گلگت بلتستان کے دورے پر اسکردو پہنچے گا

تازه خبریں

فریضہ حج

فریضہ حج کی ادائیگی کیلئے فرزندان اسلام کی سعودی عرب آمد کا سلسلہ جاری

فریضہ حج کی ادائیگی کیلئے فرزندان اسلام کی سعودی عرب آمد کا سلسلہ جاری

رواں برس 20 لاکھ کے قریب افراد فریضہ حج ادا کریں گے—.فائل فوٹو

جدہ: سعودی عرب میں دنیا بھر سے روزانہ ہزاروں کی تعداد میں عازمین حج کی آمد کا سلسلہ جاری ہے اور جمعرات تک بیرون ملک سے 16 لاکھ 84 ہزار629 عازمین حج سعودی عرب پہنچے۔

واضح رہے کہ رواں برس 20 لاکھ کے قریب افراد فریضہ حج ادا کریں گے۔

سعودی محکمہ پاسپورٹ کے ڈائریکٹر جنرل میجر جنرل سلیمان الیحیٰی کے مطابق داخلی عازمین کی تعداد 2 لاکھ 33 ہزار سے تجاوز کر گئی ہے اور اب تک 18 افراد کو حج پرمٹ کے بغیر مکہ مکرمہ جانے پر گرفتار کیا گیا ہے۔

انہوں نے ہدایات جاری کیں کہ مکتب کے مخصوص وقت کے مطابق اور اپنےگروپ کے ہمراہ سفر کریں جب کہ بسوں اور ٹرین پر سوار ہوتے وقت خواتین، معذور اور ضعیف افراد کو ترجیح دی جائے۔

سعودی عرب میں تعینات پاکستانی ڈائریکٹر جنرل حج ڈاکٹر ساجد یوسفانی کے مطابق منیٰ اور مزدلفہ میں بیک وقت 25 لاکھ مسلمان قیام کریں گے۔

انہوں نے عازمین حج کو ہدایات دیں کہ رش کے باعث سعودی حکام کی طرف سےحرم ٹرانسپورٹ 5 تا 15 ذی الحج کے لیے بند ہوتی ہے اور عازمینِ حج سخت ایّام کے لیے ذہنی وجسمانی طور پر تیار رہیں۔

ان کا کہنا تھا کہ حجاج کرام سبز اسکارف پہنیں اور پاکستانی معاونین کی ہدایات پر عمل کریں۔

واضح رہے کہ اس سال سعودی حکام نے فرزندان اسلام کے لیے خصوصی سہولیات فراہم کی ہیں، تاکہ مناسک حج کی ادائیگی کے دوران کسی قسم کی دشواری کا سامنا نہ ہو۔

اس سلسلے میں ایک ہیلپ لائن کے قیام کے ساتھ ساتھ خصوصی حج ایپ بھی متعارف کروائی گئی ہے۔

حج ہیلپ لائن:

سعودی وزیر نے مکہ مکرمہ میں ایک نیوز کانفرنس کے دوران بتایا کہ وزارت نے کسی بھی قسم کی شکایات یا معلومات کے حصول کے لیے ایک نمبر 8004304444 مختص کردیا ہے اور تمام عازمین کسی بھی شکایت کی صورت میں اپنے اسمارٹ فون کے ذریعے اس نمبر پر کال کرسکتے ہیں۔

حج ایپ:

اس سال سعودی عرب میں مناسک حج کی ادائیگی کے لیے خصوصی اسمارٹ حج ایپ بھی متعارف کروائی گئی ہے، جس سے عازمین حج کو طبی امداد سے لے کر راستوں کی معلومات حاصل کرنے کی بھی سہولت مہیا ہوگی۔

اس کا نام ’مناسکانا ایپ‘ ہے اور مختلف زبانوں میں ہونے کے باعث اسے وہ افراد بھی استعمال کرسکتے ہیں جنہیں عربی اور انگریزی زبان نہیں آتی۔

اس ایپ کی مدد سے حکام کو ان لوگوں تک پہنچنے میں بھی مدد ملے گی، جو کسی قسم کی مشکل میں گرفتار ہوگئے ہوں۔