• اسلامی تحریک پاکستان صوبہ سندھ کا اجلاس کراچی میں منعقد ہوا
  • عزاداری مذہبی و شہری آزادیوں کا مسئلہ، قدغن قبول نہیں، علامہ شبیر میثمی
  • قائد ملت جعفریہ علامہ ساجد نقو ی کی ا پیل پر بھارت میں توہین آمیز ریمارکس پر ملک گیر احتجاج
  • قائد ملت جعفریہ پاکستان کی مختلف شخصیات سے ان کے لواحقین کے انتقال پر تعزیت
  • اسلامی تحریک پاکستان کا گلگت بلتستان حکومت میں شامل ہونے کا فیصلہ
  • علماء شیعہ پاکستان کے وفدکی وفاقی وزیر تعلیم سے ملاقات نصاب تعلیم پر گفتگو مسائل حل کئے جائیں
  • بلدیاتی انتخابات سندھ: اسلامی تحریک پاکستان کے امیدوار بلامقابلہ کامیاب
  • یاسین ملک کو دی جانے والی سزا ظلم پر مبنی ہے علامہ شبیر حسن میثمی شیعہ علماء کونسل پاکستان
  • ملی یکجہتی کونسل اجلاس علامہ شبیر میثمی نے اہم نکات کی جانب متوجہ کیا
  • کراچی میں دہشتگردی کی مذمت کرتے ہیں شیعہ علماء کونسل پاکستان صوبہ سندھ

تازه خبریں

اسلامی تحریک پاکستان کا گلگت بلتستان حکومت میں شامل ہونے کا فیصلہ

اسلامی تحریک پاکستان کا گلگت بلتستان حکومت میں شامل ہونے کا فیصلہ

اسلامی تحریک پاکستان گلگت بلتستان نے جی بی حکومت میں شمولیت کی حکومتی پیشکش قبول کر لی
جی بی حکومت کی جانب سے وزیر اعلیٰ خالد خورشید اور اسلامی تحریک پاکستان گلگت بلتستان کی جانب سے ممبر جی بی اسمبلی محمد ایوب وزیری نے معاہدے پر دستخط کیے
جی بی کی عوام کی ترقی و خوشحالی میں یہ معاہدہ ثمر آور ثابت ہوگا۔ خالد خورشید، علامہ ڈاکٹر شبیر میثمی
اسلام آباد:-
30 مئی 2022
اسلامی تحریک پاکستان گلگت بلتستان نے جی بی میں عوام کی فلاح و بہبود اور ترقی و خوشحالی کے لیے حکومت میں شمولیت کی دی گئی حکومتی پیشکش قبول کر لی ہے۔ یہ پیشکش وزیر اعلیٰ گلگت بلتستان خالد خورشید کی جانب سے جی بی کی عوام کے بہترین مفاد میں گزشتہ دنوں آئی ٹی پی گلگت بلتستان کے عمائدین کو دی گئی تھی جس پر جی بی حکومت اور آئی ٹی پی جی بی کے رہنماؤں کے اجلاس میں دوطرفہ معاہدے کو حتمی شکل دی گئی۔ اور اس پیش رفت کے بعد آج گلگت بلتستان ہاؤس اسلام آباد میں ایک باوقار تقریب میں اس معاہدے پر دستخط کیے گئے۔ گلگت بلتستان حکومت کی جانب سے معاہدے پر وزیر اعلیٰ خالد خورشید اور سابق گورنر راجہ جلال مقپون جبکہ اسلامی تحریک پاکستان گلگت بلتستان کی جانب سے ممبر جی بی اسمبلی محمد ایوب وزیری نے دستخط کیے۔ اس موقع پر اسلامی تحریک پاکستان کے مرکزی سیکرٹری جنرل علامہ ڈاکٹر شبیر حسن میثمی، مرکزی ڈپٹی سیکرٹری جنرل محمد علی قائد اور مرکزی سیکرٹری اطلاعات زاہد علی آخونزادہ سمیت گلگت بلتستان اسمبلی کے کابینہ کے ممبرز بھی موجود تھے۔ معاہدے پر دستخط کے بعد وزیر اعلیٰ گلگت بلتستان خالد خورشید نے جبکہ علامہ ڈاکٹر شبیر حسن میثمی نے اسلامی تحریک پاکستان گلگت بلتستان کے جانب سے جی بی کی تعمیر و ترقی اور عوام کی فلاح و بہبود کے لیے مل کر کام کرنے کے عزم کا اعادہ کیا اور امید ظاہر کی کہ یہ معاہدہ جی بی کی عوام کی خوشحالی کے لیے ثمر آور ثابت ہو گا۔