• قائد ملت جعفریہ علامہ ساجد نقو ی کی ا پیل پر بھارت میں توہین آمیز ریمارکس پر ملک گیر احتجاج
  • قائد ملت جعفریہ پاکستان کی مختلف شخصیات سے ان کے لواحقین کے انتقال پر تعزیت
  • اسلامی تحریک پاکستان کا گلگت بلتستان حکومت میں شامل ہونے کا فیصلہ
  • علماء شیعہ پاکستان کے وفدکی وفاقی وزیر تعلیم سے ملاقات نصاب تعلیم پر گفتگو مسائل حل کئے جائیں
  • بلدیاتی انتخابات سندھ: اسلامی تحریک پاکستان کے امیدوار بلامقابلہ کامیاب
  • یاسین ملک کو دی جانے والی سزا ظلم پر مبنی ہے علامہ شبیر حسن میثمی شیعہ علماء کونسل پاکستان
  • ملی یکجہتی کونسل اجلاس علامہ شبیر میثمی نے اہم نکات کی جانب متوجہ کیا
  • کراچی میں دہشتگردی کی مذمت کرتے ہیں شیعہ علماء کونسل پاکستان صوبہ سندھ
  • اسلامی تحریک پاکستان کا اعلی سطحی وفد گلگت بلتستان کے دورے پر اسکردو پہنچے گا
  • شیعہ علماء کونسل پاکستان ۸ شوال یوم جنت البقیع کے عنوان سے منائے گی

تازه خبریں

شیعہ علما کونسل بلتستان کی مرکز کے پالیسی کی مکمل حمایت کا اعلان – 24 گھنٹہ کا الٹی میٹم ،اگرمطالبات منظورنہیں کئے گئے تو احتجاجی مظاہروں کو دھرنوں میں تبدیل کردیا جائے گا

جعفریہ پریس – ملک میں جاری دہشت گردی، شیعہ ٹارگٹ کلنگ اورسانحہ مستونگ پر پریس کانفرنس کرتے ہوئے شیعہ علماء کونسل بلتستان کے اعلی عہدیداروں  نےکہا کہ ملک میں امن وامان کی صورتحال انتہائی خطر ناک ہے ، اس کے لئے حکمرانوں کو انتہائی اہم فیصلے کرنا ہونگے جس سے عوام کے تحفظ کو یقینی بنایا جاسکے، دہشت گرد جہاں چاہیں کاروائی کرکے فرار ہوجانے میں کامیاب ہوجاتے ہیں ایسا لگتا ہے کہ ریاستی ادارے ان دہشت گردوں کے آگے بے بس ہیں یا پھر جان بوجھ کر خاموش تماشائی بنے ہوئے ہیں ،اگر یہی صورتحال رہی تو ملک کی سا لمیت خطرہ میں پڑ جائے گی۔ انہوں نے سانحہ مستونگ کی شدید مذمت کرتے ہوئے کہا کہ عوام کو تحفظ دینا ریاست کی ذمہ داری ہے، زائرین کے راستے پر تسلسل کے ساتھ دہشت گردی کے سانحات رونما ہو رہے ہیں، بے گناہ معصوم مسافروں کو بیدردی کے ساتھ بموں اور خودکش حملوں سے نشانہ بنایا جا رہا ہے- کوئٹہ میں لوگ اپنے پیاروں کے جنازوں سمیت احتجاج کر رہے ہیں ان کے دکھوں کا مداوا کیا جائے اوران کے مطالبات پر توجہ دی جائے . انہوں نے مرکز کے پالیسی کی مکمل حمایت کا اعلان کرتے ہوئے اعلان کیا کہ اگر 24 گھٹنہ میں مطالبات منظور نہیں کے گئے تو قائد ملت جعفریہ پاکستان حضرت آیت اللہ علامہ سید ساجد علی نقوی کے حکم پر کل بروز جمعہ پاکستان بھر کے احتجاجی مظاہروں کو دھرنوں میں تبدیل کردیا جائے گا اور پورے پاکستان کو جام کرنے کا اعلان کردیا جائے گا –
مقررین نےکہا کہ ملک میں جاری دہشت گردی، شیعہ ٹارگٹ کلنگ اورسانحہ مستونگ کےخلاف نیز کوئٹہ مومنین سے اظہار یکجہتی کے لئے قائد ملت جعفریہ کے حکم پر کل بچے بوڑھے، جوان بزرگ اورخواتین گھر میں نہیں بٹھیں گی –