ایس ۔ایچ ۔او کے گھر حملے کی بھر پور مذمت کرتے ہیں ۔ڈیرہ کی عوام سیف الرحمان سمیت پوری پولیس فورس کے ساتھ ہے۔

جعفریہ پریس ۔ شیعہ علماء کونسل خیبر پختونخوا کے صوبائی صدرعلامہ محمد رمضان توقیر نے کہا کہ پو لیس افسران کے گھروں پر حملے پولیس کے عزائم کو کمزور کرنے کی کوشش کی جا رہی ہے۔ایس ایچ او سیف الرحمان کی قربانی کوخراج تحسین پیش کرتے ہیں ۔اور واقعہ کو بزدلانہ کاروائی قرار دیتے ہوئے شدید مذمت کرتے ہیں ۔ایسے معلوم ہوتا ہے کہ پروا سرکل دہشت گردوں کی آما جگاہ بن چکا ہے۔
گزشتہ روز علامہ محمد رمضان توقیرنے پروا سرکل کے تنظیمی دورہ پر مختلف مقامات پر کارکناں سے گفتگو کرتے ہوئے کہا کہ ڈیرہ پولیس کی قربانیاں قابل تحسین ہیں ۔اور ڈیرہ پولیس نے قربانیاں دے کر دہشت گردوں کو شدید نقصان دیا ہے۔علامہ محمد رمضان توقیر کہا کہ ایس ۔ایچ ۔او سیف الرحمان کے گھر پر دہشت گردوں کے حملے کی شدید مذمت کرتے ہیں اوراسے بزدلانہ کاروائی سمجھتے ہیں۔پولیس افسران کے گھروں پر دہشت گردانہ کاروئیوں کے پیچھے دہشت گردوں کے مخصوص مقاصد ہیں اور دہشت گرد اس قسم کی کاروائیاں کرکے پولیس کے عزائم کمزور کرنا چاہتے ہیں ۔انہوں نے کہا کہ ڈیرہ کی عوام ایس ایچ او سیف الرحمان سمیت پوری پولیس فورس کے ساتھ ہے۔پولیس کی قربانیوں کو خراج تحسین پیش کرتی ہے۔