قومی،ملی اور علاقائی مفادات کے تحفظ کے لیئے ہمیشہ ساتھ ہیں۔ آغا راحت اور ایوب وزیری کی ملاقات۔
جعفریہ پریس پاکستان
آج مورخہ 28 جنوری 2022، بروز جمعہ اسلامی تحریک گلگت بلتستان کے اعلیٰ سطحی وفد نے ممبر گلگت بلتستان اسمبلی جناب محمد ایوب وزیری کی قیادت میں آغا سید راحت حسین الحسینی سے مرکزی جامع مسجد امامیہ گلگت میں اہم ملاقات کی، ملاقات میں تحصیل آرگنائزر حسین ولی، شیخ شرافت ولایتی، حاجی نثار، عمران حسین، سید قائم علی شاہ کاظمی و دیگر شامل تھے۔
ملاقات میں گلگت بلتستان کے قومی اور علاقائی مفادات کے حصول کے لیئے مل کر جدوجہد کرنے پر اتفاق کیا گیا۔ جن میں گندم کے حصول میں درپیش مسائل، عوامی ملکیتی زمینوں کے مسائل، آئینی معاملات، یکساں قومی نصاب تعلیم کا معاملہ اور دیگر مسائل کے اوپر قومی اتحاد اور مشترکہ جدوجہد پر اتفاق کیا گیا۔ آغا راحت حسینی نے ممبر جی۔بی اسمبلی محمد ایوب وزیری کی کارکردگی کو سراہا اور اپنے مکمل تعاؤن کی یقین دہانی کروائی۔
