بھکھی شریف شیخوپورہ ، جلوس عزا پر حملہ آور شرپسند عناصر کو فی الفور گرفتار کیاجائے ،علامہ شبیر میثمی

بھکھی شریف شیخوپورہ ، جلوس عزا پر حملہ آور شرپسند عناصر کو فی الفور گرفتار کیاجائے ،علامہ شبیر میثمی
 قائد ملت جعفریہ علامہ سیدساجد علی نقوی کی جلوس پر شرپسندی کے واقعہ کی شدیدالفاظ میں مذمت، سربراہ مرکزی محرم الحرم کمیٹی شیعہ علماء کونسل
 فلسفہ شہادت امام حسین  ہمیں قربانی کا درس د یتا ہے اس قسم کے دہشتگردی کے واقعات ہمیں حضرت امام حسین  کی عزاداری کو برپا ہونے سے نہیں روک سکتے
راولپنڈی/اسلام آباد16جولائی 2024ء (      جعفریہ پریس پاکستان       ) سربراہ مرکزی محرم الحرام کمیٹی شیعہ علماء کونسل پاکستان علامہ شبیر حسن میثمی نے بھکھی شریف ضلع شیخو پورہ میں جلوس عزا پر شرپسند عناصر کی جانب سے فائرنگ جس کے نتیجہ میں ایک عزادار شہید اور 14افرا دزخمی جس میں دو افراد کی حالت نازک بتائی جارہی ہے کی شدید الفاظ میں مذمت کرتے ہوئے مطالبہ کیا کہ واقعہ کی شفاف تحقیقات کی جائیں اور قاتلوں اور مجرموں کو گرفتار کرکے انصاف کے کٹہرے میں لایا جائے اور جلوس عزا کو تحفظ فراہم کرتے ہوئے جلوس کو مکمل کروایا جائے ۔علامہ شبیر حسین میثمی کا مزید کہنا ہے کہ قائد ملت جعفریہ پاکستان علامہ سید ساجد علی نقوی نے جلوس پر شرپسندی کے واقعہ کی شدیدالفاظ میں مذمت کی ہے اور کہا کہ ہے جلوس پر حملہ آور شرپسندوں کو فی الفور گرفتار کرکے قرار واقعی سزا دی جائے ۔علامہ شبیر حسن میثمی نے مزید کہا کہ عزاداروںکو تحفظ فراہم کرنا حکومت کی ذمہ داری تھی جس میں وہ ناکام نظر آئے جس کی وجہ سے ایک عزادار کی شہادت ہوئی اور 13/14 افراد شدید زخمی ہیں ۔انہوںنے کہا کہ فلسفہ شہادت امام حسین  ہمیں قربانی کا درس د یتا ہے اس قسم کے دہشتگردی کے واقعات ہمیں حضرت امام حسین  کی عزاداری کو برپا کرنے سے نہیں روک سکتے،ہماری تاریخ قربانیوں سے بھری پڑی ہے۔آخر میں علامہ شبیر حسن میثمی نے حکومت سے مطالبہ کیا کہ جلوس عزا پر حملہ آور شرپسندوں کو فی الفور گرفتار کیا جائے اور انصاف کے کٹہرے میں لایا جائے ۔ افسو ناک  واقعہ کی اطلاع ملنے پر مرکزی محرم الحرام کمیٹی شیعہ علماء کونسل پاکستان کے اراکین نے بھی شدید الفاظ میں مذمت کرتے ہوئے شہید کے لواحقین سے اظہار افسوس اور زخمیوں کی جلد صحت یابی کیلئے دعا کرتے ہوئے شرپسند عناصر کی جلد از جلد گرفتار ی کا مطالبہ کیا ۔