تفتان، سےنکڑوں زائرین کا مسئلہ ہنگامی بنیادوں پر حل کیا جائے ،علامہ مظہر عباس علوی

تفتان بارڈر پر 400سے زائد پھنسے زائرین کی واپسی کےلئے فی الفور انتظامات کئے جائیں، شیعہ علما کونسلتین گنا کرایہ وصول کرنے کے باوجود ٹرانسپورٹ کا انتظام کیا جارہا ہے ، نہ ہی این او سی جاری ہوا، مرکزی نائب صدر اسلام آباد /راولپنڈی 9مئی 2016(جعفریہ پریس  )   شیعہ علما کونسل کے مرکزی نائب صدر اور مسﺅل شعبہ حج و زیارات علامہ مظہرعباس علوی نے کہا ہے کہ ایران اور عراق سے واپس آنے والے 400 سے زائد زائرین تفتان بارڈر پر گذشتہ آٹھ دن سے بلاوجہ پھنسے ہوئے ہیں ۔اور کچھ زائرےن قلب کے مرےض ہیںاور سخت گرمی ،پانی کی قلت اور بروقت علاج معالجہ نہ ہو نے پر انکی حالت تشویش ناک ہے ۔ انہوں نے واضح کیا کہ وفاقی اور صوبائی حکومتیں کسی بھی ناخوشگوار واقعہ کی ذمہ دار ہوں گی، جو تین گنا کرایہ وصول کرنے کے باوجود ٹرانسپورٹ کا انتظام کررہی ہیں اور نہ ہی این او سی جاری کیا جارہا ہے۔ انہوںنے کہا کہ زائرین کو تفتان بارڈر پر قائم پاکستان ہاوس میں بلاجواز ٹھہرایا گیا ہے، جہاں کھانے پینے اور ادویات سمیت بنیادی سہولیات بھی میسر نہیں۔ سکیورٹی خدشات کے پیش نظر ایف سی حکام انہیں اپنے طور پر جانے نہیں دیتے ، جبکہ پرائیویٹ ٹرانسپورٹ کے انتظام کے لئے تین گنازیاد ہ کرایہ وصول کرنے کے باوجود حکومت بلوچستان ٹرانسپورٹ مہیا کررہی ہے اور نہ ہی این او سی جاری کررہی ہیں۔ انہوں نے افسوس کا اظہار کیا کہ زائرین کو بلاوجہ تفتان بارڈرپر روکنا معمول بنتا جارہا ہے، جوکہ وفاقی اور صوبائی حکومتوں کی نااہلی اور بدنیتی کا منہ بولتا ثبوت ہے۔ اس مسئلے پر وہ پھنسے ہوئے زائرین اور بلوچستان حکومت سے مسلسل رابطے میں ہیں مگر کوئی ٹس سے مس نہیں ہورہا۔وفاقی وزیر داخلہ چودھری نثار علی خان سے فی الفور نوٹس لینے کا مطالبہ کرتے ہوئے ان کا کہنا تھا کہ اتنے عرصے تک زائرین کو تفتان بارڈر پر روکے رکھناکسی بھی طور پر درست نہیں۔ علامہ مظہر عباس علوی نے کہا کہ زائرین سراپا احتجاج ہیں، راست اقدامات کرتے ہوئے حکومت انہیں واپس اپنے علاقوںمیں بھیجنے کے اقدامات کرے۔