جب مذاکرات کی باتیں ہورہی تھیں تو اس وقت بھی لشکرجھنگوی دہشت گرد جیسے گروہ کا کوئی تذکرہ نہیں ہوا اوراب آپریشن کے فیصلے کے بعد بھی لشکر جھنگوی کے خلاف سخت اور کڑے اقدامات کی خبر نہیں

جعفریہ پریس قائد ملت جعفریہ پاکستان علامہ سید ساجد علی نقوی کے مرکزی ترجمان نے کہا ہے کہ پارلیمنٹ کی حمایت کے بعد دہشت گردوں کے خلاف آپریشن کا جواز مہیا ہوجائے گا تاہم یہ سوال اپنی جگہ پر بدستور موجود رہے گا کہ جب مذاکرات کی باتیں ہورہی تھیں تو اس وقت بھی لشکرجھنگوی دہشت گرد جیسے گروہ کا کوئی تذکرہ نہیں ہوا اوراب آپریشن کے فیصلے کے بعد بھی لشکر جھنگوی کے خلاف سخت اور کڑے اقدامات کی خبر نہیں۔ اگر صورت حال یہی رہی تو ملک کی داخلی سلامتی خطرات سے دوچار رہے گی جس کا تدارک کیا جانا چاہیے تاکہ آپریشن نتیجہ خیز ہوسکے اور ملک کے چپہ چپہ میں ہزاروں معصوم اور بے گناہ انسانوں کے بہیمانہ قتل عام کا ازالہ ممکن ہو۔