فیصل آباد ( ) جعفریہ سٹوڈنٹس آرگنائزیشن طالبات پاکستان کے تنظیمی سفرکو ایک سال مکمل ہو گیا ، اس حوالے سے ملک بھر میں طالبات نے مختلف یونٹس میں یوم تاسیس کے حوالے سے تقریبات منعقد کی ، ورکشاپس منعقد کی گئیں اور دوروس کا انتظام کیا گیا ،اسی حوالے سے فیصل آباد ڈویژن نے ۳۰ جنوری بروز ہفتہ یوم تاسیس کے حوالے سے پروگرام منعقد کیا ، مرکزی عہدیداران ، مرکزی آرگنائزر سیدہ سدرہ نقوی ، معاون مرکزی آرگنائزر شجیعہ زہرا علوی ، صوبائی آرگنائزر سیدہ ندا زہرا نقوی نے شرکت کی ، تقریب میں فیصل آباد ڈویژن کی آرگنائزر خواہر مبشرہ بتول نے شرکاء کو خوش آمد ید کہا ، تلاوت کلام پاک ، نعت رسول مقبول ص سے محفل کا آغاز کیا گیا اور منقبت اہل بیت علیھم السلام پیش کی گئی، فیصل آباد ڈویژن کی آرگنائزر مبشرہ بتول نے اپنی ڈویژن کی سالانہ کارکردگی پڑھ کر سنائی اور اس عزم کا اظہار کیا کہ رواں سال بھی تنظیم کی بہتری اور وقار کے لئے بہترین خدمات پیش کریں گی۔اس موقع مرکزی آرگنائزر سیدہ سدرہ نقوی نے تمام طالبات کو انکی بہترین کاوشوں کے لئے سراہا اور قائد ملت جعفریہ کے یوم تاسیس کے حوالے سے بھیجے گئے پیغام کو پڑھ کر سنایا جس میں قائد ملت جعفریہ نے طالبات کو اپنی تعلیمی سرگرمیوں کو بہتر سے بہتر بنانے کی تاکید کی ۔مرکزی آرگنائزر نے کہا کہ ہم قائد ملت جعفریہ علامہ سید ساجد علی نقوی کے اس پیغام کو طالبات کے لئے بہترین نصیحت سمجھتے ہوئے اس پر بھرپور عمل کریں گے اور تعلیمی میدان میں بہترین کارکردگی کے ذریعے ملک و ملت کے لئے باعث افتخار بنیں گے اور یوم تاسیس کے موقع پر یہ عہد کرتے ہیں کہ ہم جعفریہ سٹوڈنٹس آرگنائزیشن طالبات پاکستان کی سربلندی کے لئے ہمہ وقت مصروف عمل رہیں گے۔ انشاء اللہ