جے ایس او پاکستان کا “دوسرا مرکزی اجلاس عاملہ” ادارہ منہاجُ الحسین لاہور میں منعقد؛
جے ایس او پاکستان کے اہداف و مقاصد کے حصول کی کوششوں میں جدوجہد کرنا اراکینِ مجلس عاملہ کی اجتماعی و انفرادی زمہ داری ہے۔ (قائد ملت جعفریہ پاکستان)
راولپنڈی/18 دسمبر 2024/ جعفریہ اسٹوڈنٹس آرگنائزیشن پاکستان کے اعلیٰ اختیاراتی ادارے مرکزی مجلس عاملہ کا دوسرا اہم اجلاس 13,14,15 دسمبر 2024 کو ادارہ منہاجُ الحسین لاہور میں مرکزی صدر محمد اکبر کی زیر صدارت منعقد ہوا تلاوت قرآن اور مرکزی صدر کے ابتدائیہ کلمات سے اجلاس کا آغاز کیا گیا۔ اجلاس میں کراچی تا گلگت تمام اراکین مجلس عاملہ نے بھرپور شرکت کی،
اجلاس سے قائد ملت جعفریہ پاکستان آیت اللہ سید ساجد علی نقوی حفظ اللہ نے ٹیلیفون کے ذریعہ خصوصی خطاب کرتے ہوئے فرمایا کہ جے ایس او پاکستان کے اہداف و مقاصد کے حصول کی کوششوں میں جدوجہد کرنا اراکین مجلس عاملہ کی اجتماعی و انفرادی زمہ داری ہے۔
تعلیمی ماحول میں جے ایس او پاکستان کو آگے بڑھنا کے لیے مزید اقدام کیئے جائیں انہوں نے مزید کہا کہ تعلیم و تربیت دونوں ایک ساتھ ضروری ہیں اور مکتب اہلبیت علیہم السلام میں بہت زور ہے جے ایس او پاکستان سے وابستہ لوگوں کے لیے تربیتی نشست کے سلسلے کو مزید تیز کیا جائے، اچھی عادات، اچھے اطوار، اچھی خصلتیں اور اچھا اندازِ زندگی یہ جہاثن ہر مسلمان اور ہر فرد کی زمہ داری ہے وہاں جے ایس او پاکستان کے فرد پر جو اک تنظیم سے وابستہ ہے جس نے راستے متعین کیئے ہیں اس سے وابستہ فرد کا اخلاقی حوالوں سے بہتر ہونا اچھے کردار سے اپنے آپ کو سنوارنہ اسکی زمہ داری ہے۔ سب سے پہلے پہلے اپنی تربیت پر زور دیا جائے اور اس دوسرے اجلاس عاملہ سے تربیت کے سلسلے کو آگے بڑھانے کے اس پیغام کو تمام اراکین تک پہنچائیں۔
دوسرے مرکزی اجلاس عاملہ میں سابق رکن اسلامی نظریاتی کونسل علامہ ڈاکٹر محمد حسین اکبر، اراکینِ مرکزی مجلس نظارت؛ ڈاکٹر سید عون ساجد نقوی، مولانا مظہر عباس علوی، سیکرٹری نظارت برادر حسن عباس، مرکزی رہنماء شیعہ علماء کونسل پاکستان سید اظہار بخآری، صوبائی صدر وسطی پنجاب سید ساجد حسین نقوی و صوبائی کابینہ، رکن نظارت دفتر قائد ملت جعفریہ پاکستان نجف اشرف مولانا صابر حسین، معارف اسلامی سے سید واصف نقوی نے شرکت و خطابات کیئے۔ اجلاس میں مرکزی و ڈویژنل کارکردگی رپورٹس پیش کی گئی، اجلاس میں طلباء یونین، تعلیمی اداروں میں فعالیت، دوستوری ترامیم، سالانہ مرکزی پروگرام، صوبائی تربیتی پروگرامات کے حوالے سے اہم فیصلہ جات کیئے گئے۔